Kîam 14:12 - ÎVUKU RÎA ÛVORO MWARO

¹² Nîmoocire Loti mûvîcî wa mûrwang'ina na Aburamu vamwe na indo ciake cionthe na makîthiî nake. Loti aatûûraga kûu Sodomu.

Kîam 14:12 ပူးပေါင်းရင်းမြစ်များ

Kîam 11:27

Ino nîcio njiarwa cia Tera ûrîa warî îthe wa Aburamu, Nahoru na Harani. Harani aarî îthe wa Loti. Harani aakwire mbere ya îthe Tera.

Kîam 11:31

Tera nîwocire mûvîcî Aburamu na mûcûkûrûwe Loti ûrîa warî mûvîcî wa Harani. Nîwocire Sarai mûka wa mûvîcî Aburamu, makiuma kûu Uri gwa Akalidei, nîguo mathiî vûrûrirî wa Kanaani. Nwatî rîrîa maakinyire vûrûrirî wa Harani, nîmaatûûrire kuo.

Kîam 12:5

Aburamu nîwocire mûka Sarai na Loti mwana wa mûrwang'ina, ûtonga wao wonthe, ngombo irîa maagîte nacio marî Harani, na makîthiî Kanaani. Na rîrîa maakinyire vûrûrirî wa Kanaani,

Kîam 14:11

Nao athamaki acio engî ana nîmaakuire indo cionthe irîa ciarî Sodomu na Gomora, vamwe na irio ciakuo makînathiî.

Kîam 14:14

Rîrîa Aburamu eegwire atî mwîvwa wake Loti nîmûnyite, nîwatongoririe andû magana mathatû ma îkûmi na anana arîa maaciarîrîtwe gwake na maamenyete kûrûa, na makîvinyûria athamaki acio ana nginya Dani.

Kîam 14:16

Aburamu nîwavotire gûcokithia indo irîa ciatavîtwe wa vamwe na mwîvwa wake na indo ciake, aka na andû arîa engî onthe maatavîtwe.

Ayubu 9:23

Rîrîa mûthiro waûka kûthiria andû wa rîmwe, Ngai nîathekagîrîra arîa matarî na ûcuke maûragwa.

Ndari 16:26

Musa nîwerire andû atîrî, “Umani magemarî ma andû aya evia mûrûngame varaca nao, na mûtikavutie kîndû wanarî kîmwe Kîamo, kana mûthiranîrue vamwe nao nîûndû wa mevia mao.”

Kûguû 18:4

Ngîcoka ngîgua mûgambo wîngî kuuma îgûrû ûkiuga atîrî: “Umani kûrî ke, andû akwa! Nîguo mûtikevie take, na mûtikaaverithue take.

Kûguû 3:19

Andû arîa nie mendete nîmakaanagia na ngamaverithia. Kwoguo gîani na kîîo na mwîrire.