Kîam 13:7 - ÎVUKU RÎA ÛVORO MWARO

⁷ Kwoguo nîkwagîre na ngucanio gatagatî ka arîthi a Aburamu na a Loti. Vîndî îo Akanaani na Aperizi nîo maatûûraga vûrûrirî ûcio.

Kîam 13:7 ပူးပေါင်းရင်းမြစ်များ

Kîam 10:19

Wana nginya mîvaka yao nîyakinyire Sidoni, mwena wa îveti wa Gerari, nginya îgîkinya Gaza, na mwena wa îrathîro ûthiîte Sodomu, Gomora, Adima na Zeboimu vakuvî na Lasha.

Kîam 12:6

Aburamu nîwavîtûkîrîre gatagatî ka vûrûri ûcio na agîkinya Shekemu vandû vatheru mûtîrî ûrîa mwamûre wa More. Vîndî îo Akanaani nîo maatûûraga vûrûri ûcio.

Kîam 21:25

Iburahimu nîwavirire mateta kûrî Abimeleki nîûndû wa kîthima kîrîa gîatavîtwe nî ndungata cia Abimeleki.

Kîam 26:20

Nwatî arîthi a kûu Gerari nîmaakararanirie na arîthi a Isaka makiugaga atîrî, “Manjî mama nî metû.” Kwoguo Isaka nîwatuîrîre kîthima kîu rîîtwa Ezeku (Ngarari).

Kîam 34:30

Jakovu nîwerire Simeoni na Lawi atîrî, “Mue nîmwandetera thîna. Nîûndû Akanaani, Aperizi na andû onthe a vûrûri ûyû nîmakûmena. Ndirî na arûme eengî, na kwoguo andû a gûkû mangînyitana vamwe na manthithûkîre nwa mambûrage vamwe na andû akwa.”

Kîam 46:34

mûmwîre atî, ‘ûtûûrorî wenyu wonthe mwîthîrîtwe mûrî arîthi, wata ûrîa methe menyu maarî.’ Mwauga ûguo, nîmûgetîkîrua mûtûûre vûrûrirî ûcio wa Gosheni.” Josefu aamerire ûguo nîûndû ûrîthi wa ng'ondu nî mûgiro kûrî andû a Misiri.

Nehemia 5:9

Kwoguo nînaugire atîrî, “Ûndû ûcio mûreka tî mwaro! Mwagîrîrwe nî kwathîkîra Ngai na mwîke ûrîa kwagîrîrîte. Na mweka ûguo tîmûva nthû cietû na nîo andû a ndûrîrî kamweke ga gûtûthekerera.

Ntha 2:17

Nwatî arîthi amwe nîmeengatire erîtu acio a Jethiro. Musa nîwathiîre kûmatethûra na akîmatethia kûnyuithia ndîthia.

Nthi 20:3

Andû arîa aritu mekaraga vîndî cionthe magîkararanagia, mûndû ûrîa ûragîra ngucanio nîavecagwa gîtîîo.

Maariko 3:25

Wana mûciî ûngîîgaûkania, mûciî ûcio ndûngîvota kwîrûngamia.

1Akor 3:3

nîûndû wana rîu mûtûûraga wata ûrîa andû a gûkû nthî matûûraga. Rîrîa kûrî na wîru na ngarari gatagatîrî kenyu-rî, na kinthî ûndû ûcio ndwonanagia atî mue mûrî a gûkû nthî na mûtûûraga ta andû a gûkû nthî.

Agal 5:20

kûgooca mîvuanano, kûrogana, kûmenana, kûrûa, wîru, marakara, kwîenda, kwamûkana,

Akol 4:5

Îthagîrwani mûrî na ûûgî rîrîa mûgwîka maûndû gatagatîrî ka andû arîa matetîkîtie Kristû. Vûthagîrani waro kanya wa konthe karîa mwagîa nako.

1Ath 4:12

Mweka ûguo, mûkaavecagwa gîtîîo nî andû arîa matetîkîtie na mûtikeevokaga mûndû wana ûrîkû amûve kîrîa mûvatarîte.

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

Jakuvu 3:16

Varîa varî wîru na wîyendi, vethagîrwa varî na mbûkanîrîro na maûndû macûku ma mîthemba yonthe.

Jakuvu 4:1

Mbaara na gûtetania ciumaga kû gatagatîrî kenyu? Ciumanaga na kwîgua ngumba ya maûndû marîa meriragîrua nî mîîrî yenyu, na marûaga vîndî cionthe ndaarî yenyu.

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.