Kîam 13:17 - ÎVUKU RÎA ÛVORO MWARO

¹⁷ Rîu ûkîra ûthiî ûkarorie vûrûri ûcio wonthe, nîûndû nîwe ngûva guo.”

Kîam 13:17 ပူးပေါင်းရင်းမြစ်များ

Kîam 12:7

Nake Ngai-Mûnene nîwaumîrîre Aburamu na akîmwîra atîrî, “Vûrûri ûyû nîngaaûvecana kûrî njiarwa ciaku.” Kwoguo Aburamu nîwatumîre Ngai-Mûnene ûcio wamumîrîrîte metha ya kîgongoona vau.

Kîam 13:15

We vamwe na njiarwa ciaku nîngaamûva vûrûri wonthe ûcio mûrona, nîguo ûtuîke wenyu tene na tene.

Kîam 15:7

Nîwacokire akîmwîra atîrî, “Nînie Ngai-Mûnene ûrîa wagûtongoririe kuuma Uri ya Akalidei nîguo mbûke ngûve vûrûri ûyû ûtuîke waku.”

Kîam 17:8

Nîngaakûva vûrûri ûyû mûgeni ûtûûraga ûtuîke waku vamwe na njiarwa ciaku. Vûrûri wonthe wa Kanaani ûgaatuîka wa njiarwa ciaku tene na tene na nîngaatuîka Ngai wao.”

Kîam 28:13

Nake Ngai-Mûnene nîwarûngamaga vakuvî nake akamwîra atîrî, “Nînie Ngai-Mûnene, Ngai wa Iburahimu na Isaka. We wa vamwe na njiarwa ciaku, nîngaamûva vûrûri ûyû ûmamîte.

Kîam 50:24

Josefu nîwerire aa mûrwang'ina atîrî, “Nîrî vakuvî gûkua. Nwatî gûtirî nganja Ngai nîakaamûtongoria amûrute vûrûrirî ûyû amûvire vûrûrirî ûrîa erîre Iburahimu, Isaka na Jakovu.”

2Atha 13:23

Nwatî Ngai-Mûnene nîwamatugire na akîmeguîra ntha. Ndaamatiganîria macûkangue, nwatî nîwamatethirie nîûndû wa kîrîkanîro kîrîa aarûthîte na Iburahimu, Isaka na Jakovu. Ngai-Mûnene ndaanatiganîria andû ake nginya ûmûnthî.