Kîam 12:18 - ÎVUKU RÎA ÛVORO MWARO

¹⁸ Kwoguo mûthamaki nîwetire Aburamu na akîmûria atîrî, “Ûmbîkîte û nîkî? Waregire kûmbîra atî ûyû aarî mûkaguo nîkî?

Kîam 12:18 ပူးပေါင်းရင်းမြစ်များ

Kîam 12:19

Nîndûî gîatûmire uuga atî ûyû nî mwarwanyûkwe, na ûgîtûma nîmwoca atuîka mûka wakwa? Mûkaguo nîke ûcio, mwoce mûthiî!”

Kîam 20:3

Nwatî na njîra ya kîroto Ngai nîwaumîrîre Abimeleki na akîmwîra atîrî, “We nîûgûkua nîûndû wa gwoca mûndûmûka ûyû. Ke nî mûka wene.”

Kîam 29:25

Kîraûko gwakîa Jakovu nîwonire atî aanengeretwe Lea. Kwoguo Jakovu nîwaûririe Labani atîrî, “Ûrambîkire û nîkî? Kinthî ndirakûrutîre wîra mîaka mûgwanja nîûndû wa Rakeli? Ûramveenirie nîkî?”

Kîam 3:13

Ngai-Mûnene, Ngai nîwaûririe mûndûmûka ûcio atîrî, “Wîkire ûguo nîkî?” Nake Mûndûmûka nîwamûcokerie atîrî, “Nî njoka îmvenererie narîrîa.”

Kîam 31:26

Labani nîwerire Jakovu atîrî, “Wamveenirie nîkî na ûgîoca erîtu akwa na ûkîûra nao ta aka matavîtwe mbaararî?

Kîam 4:10

Ngai-Mûnene nîwamûririe atîrî, “Wîkîte ûguo nîkî? Nthakame ya mûrwanyûkwe nîîrandîrîrîra îrî gûkû mûtheturî.

Kîam 44:15

Nake Josefu nîwamerire atîrî, “Mweka ûguo nîkî? Nîkwa mûtaicî atî mûndû ta nie nwa aragûrie na akamenya ûrîa mwîkire?”

2Sam 3:24

Kwoguo Joabu nîwathiîre kûrî Daudi na akîmûria atîrî, “Nîkwa wîkire atîa? Abineri aûka kûrî we ûmûrekereerie athiî wa ûguo nîkî?

Ntha 32:21

Musa nîwaûririe Aroni atîrî, “Andû aya maragwîkire atîa atî nîguo ûmarekererie meke wîvia mûnene ûguo?”

Nthi 21:1

Ngai-Mûnene nîke wathaga meciria ma mûthamaki, nîamerekagîria kûrîa akwenda.

Josh 7:19

Joshua nîwacokire akîra Akani atîrî, “Mûvîcîwa, aria ûma mbere ya Ngai-Mûnene, Ngai wa Isiraeli na ûmûve riiri. Mbîra ûrîa wîkîte ûtakûnthitha.”

Atir 2:2

Namue mûtikathondeke kîrîkanîro wanarî kîmwe na andû arîa matûûraga vûrûrirî ûyû. Nwanginya mwomomore metha ciao cia magongoona. Nwatî mûtiavingia ûrîa naamwîrire. Mwekire ûguo nîkî?

1Sam 14:43

Nake Saûlo nîwaûririe Jonathani ûrîa eekîte. Nake Jonathani akîmûcokeria na akîmwîra atîrî, “Nie nînaarîre kaûûkî kanini na mûthiia wa kamûtî karîa naanyitîte na njara. Na rîu nînîîvarîrîtie gûkua.”