Kîam 11:31 - ÎVUKU RÎA ÛVORO MWARO

³¹ Tera nîwocire mûvîcî Aburamu na mûcûkûrûwe Loti ûrîa warî mûvîcî wa Harani. Nîwocire Sarai mûka wa mûvîcî Aburamu, makiuma kûu Uri gwa Akalidei, nîguo mathiî vûrûrirî wa Kanaani. Nwatî rîrîa maakinyire vûrûrirî wa Harani, nîmaatûûrire kuo.

Kîam 11:31 ပူးပေါင်းရင်းမြစ်များ

Kîam 10:19

Wana nginya mîvaka yao nîyakinyire Sidoni, mwena wa îveti wa Gerari, nginya îgîkinya Gaza, na mwena wa îrathîro ûthiîte Sodomu, Gomora, Adima na Zeboimu vakuvî na Lasha.

Kîam 11:32

Tera aakuîrîre vûrûrirî wa Harani arî na ûkûrû wa mîaka magana maîrî ma îtano (205).

Kîam 12:4

Rîrîa Aburamu aarî na ûkûrû wa mîaka mîrongo mûgwanja na îtano (75), nîwaumire Harani wata ûrîa Ngai-Mûnene aamwîrîte eke, na makîthiî na Loti.

Kîam 12:5

Aburamu nîwocire mûka Sarai na Loti mwana wa mûrwang'ina, ûtonga wao wonthe, ngombo irîa maagîte nacio marî Harani, na makîthiî Kanaani. Na rîrîa maakinyire vûrûrirî wa Kanaani,

Kîam 14:12

Nîmoocire Loti mûvîcî wa mûrwang'ina na Aburamu vamwe na indo ciake cionthe na makîthiî nake. Loti aatûûraga kûu Sodomu.

Kîam 15:7

Nîwacokire akîmwîra atîrî, “Nînie Ngai-Mûnene ûrîa wagûtongoririe kuuma Uri ya Akalidei nîguo mbûke ngûve vûrûri ûyû ûtuîke waku.”

Kîam 24:10

Ndungata îo yamenyagîrîra indo cia Iburahimu nîyocire ngamîîra îkûmi kuuma kûrî ngamîîra cia mwathi wayo na indo irîa mbaro mûno, îkîthiî kûrîa Nahoru aatûûraga mwena wa rûgûrû wa Mesopotamia.

Kîam 24:15

Wana atarîkîtie kûvoya, Rebeka nîwakinyire akuîte gîturu gîake Kîam manjî na gîturo. Rebeka aarî mwarî wa Bethueli ûrîa warî mûvîcî wa Milika. Milika aarî mûka wa Nahoru, mûrwang'ina na Iburahimu.

Kîam 27:43

Kwoguo mûvîcîwa, thikîrîria ûrîa ngûkwîra. Ûkîra wa rîu ûthiî Harani kwa mûrwaiya Labani,

Kîam 28:10

Jakovu nîwaumire Beerisheba na akîthiî Harani.

2Atha 19:12

Methe makwa nîmaacûkangirie andû a mavûrûri ma Gozani, Harani, na Rezefu na makîûraga andû onthe a Edeni arîa maatûûraga Telasari. Maaregire kûvonokua nî ngai icio nîkî?

Nehemia 9:7

We Ngai-Mûnene Ngai nîwathuurire Aburamu, ûkîmûruta kuuma Uri ya Akalidei. Ûkîgarûra rîîtwa rîake agîcoka gwîtwa Iburahimu.

Ayubu 1:17

Na rîrîa aaragia ndungata îngî nîyaûkire na îkîmwîra atîrî, “Akalidei mevangire ikundi ithatû na matharîkîra ngamîîra na macioca. Macoka maûraga ndungata ciaku. Nînie nienga tu ndigarire nîguo mbûke ngûmenyithie maûndû mama.”

Isaia 37:12

Methe makwa nîmaacûkangirie mavûrûri ma Gozani, Harani, Rezefu na andû a Edeni arîa maatûûraga Telasari; ngai cia mavûrûri mau nîciamavonokirie?

Ahib 11:8

Nîûndû wa wîtîkio Iburahimu etwa nî Ngai nîwathîkire. Ngai nîwerire Iburahimu aume athiî vûrûrirî ûrîa aamwîrîrîte nî akaamûva. Iburahimu nîwatigire vûrûri wake, nwatî ndaamenyaga kûrîa aathiîte.