Kîam 11:3 - ÎVUKU RÎA ÛVORO MWARO

³ Nao nîmeeranire atîrî, “Tigani tûmbe matuvarî na tûmavîvie maûme waro.” Kwoguo nîmaagîre na matuvarî ma gûtuma na rami ya kûmanyitithania.

Kîam 11:3 ပူးပေါင်းရင်းမြစ်များ

Kîam 11:4

Nîmaacokire makîrana atîrî, “Tigani tûtume îtûûra rîrî na nyomba ndaca îrîa gacûmbîrî ka yo gakaavutia matu nîguo tûgîe îgweta, na tûtikanyagarûke nthî yonthe.”

Kîam 11:7

Tiga tûnyûrûrûke nthî nîguo tûmavîngîcanîrie rûthiomi rwao, nîguo matikeguithanagie mîariorî.”

Kîam 14:10

Kîanda kîu gîa Sidimu gîecûrîte marima ma rami. Na rîrîa athamaki a Sodomu na Gomora maageragia kûûra maume mbaararî, nîmaagwîre marimarî mau, nwatî athamaki acio engî athatû nîmaaûrîre îrimarî.

2Sam 12:31

Nîwacokire agîtua andû a kuo aatûri a mbaû na mîcumano, aruti wîra na macembe ma cuuma, na mathanwa ma cuuma, na athondeki a matuvarî. Ûguo nîguo eekire andû onthe a matûûra mau mengî ma Aamoni. Nake Daudi na andû ake onthe nîmaacokire Jerusalemu.

Thaburi 64:5

Matitiganaga na mîvango yao mîcûku; mavangaga kûrîa makwiga mîtego yao makiugaga atî, gûtirî mûndû ûramona.

Ntha 1:14

Nîmaatûmire mûtûûrîre wao ûtuîka mûmû na njîra ya kûmarutithia wîra wa mîako na wa mîgûnda matekûmeguîra ntha.

Ntha 2:3

Nwatî rîrîa aaremirwe nî gûkathitha makîria nîwocire gîkavu agîkîthinga na rami nîguo gîtigatonyie manjî. Nîwacokire agîoca kaana kau getagwa Musa agîgatonyia gîkavurî, agîkiiga mûthanjerî rûtererî rwa rûnjî.

Nthi 1:11

Mangîkwîra atîrî, “Ûka tûthiî tûkethithîre andû tûmaûrage, tûthiî tûkovere andû matarî na mavîtia gûtarî na gîtûmi!

Mûvunjia 2:1

Nîneîrire na ngoro atî nîngwîkenia nîguo menye gîkeno nîndûî. Nwatî nînaamenyire atî wana ûcio nî ûndû wa mana.

Isaia 5:5

Rîu nîngûmwîra ûrîa ngwîka mûgûnda wakwa wa mîthavibu. Nîngûthengutia rûgiri rwaguo, na nîûgûcûkangua; nîngwomomora rwirigo rwaguo, na nyamû cia kîthaka nîigaaûkinyanga.

Isaia 65:3

Andû aya mekaraga makîndakaragia vîndî cionthe. Marutagîra mîvuanano yao magongoona tûmîtitûrî tûrîa twamûre, na makavîvagîria ûbani îgûrû rîa metha cia magongoona irîa itumîtwe na matuvarî.

Isaia 9:10

“Nthingo cia matuvarî nî nyomomoku, nwatî tue nîtûituma rîngî na mathiga marî maumie. Itugî cia mîtî ya mîkûyû nî njûkangie, nwatî vandûrî va cio nîtûtuma na cia mîtarakwe.”

Nahumu 3:14

Tavani manjî mwîvarîrîtie kûrigicîrua; îkîrani nthingo cienyu cia kwîgitîra. Kinyangani ndaka ya yûmba, na mûvarîrîrie vandû va kûvîvîria matuvarî.

Ahib 10:24

Nîtûtethanagieni na twendanage mûndû na ûrîa wîngî na twîkage ciîko mbaro.

Ahib 3:13

Vandû va ûguo, ûmanagîrîriani mûndû na ûrîa wîngî mûthenya wa mûthenya rîrîa rîonthe kiugo “Ûmûnthî” gîkaagwetagwa gîkîaria ûvoro ûmwîgiî nîguo gûtikagîe mûndû wana ûmwe gatagatîrî kenyu ûkaaûmia ngoro nîûndû wa mevia.

Jakuvu 4:13

Rîu tanthikîrîriani, mue arîa mugaga atîrî, “Ûmûnthî kana rûyû tue nîtûkaathiî îtûûrarî rîna. Nîtûgekara kuo îvinda rîa mwaka mûgima na nîtûkaaruta wîra wa kûgûra na kwendia na tûgîe na mbeca nyîngî.”

Jakuvu 5:1

Na rîu mue itonga tanthikîrîriani. Rîrani na mwîgue kîeva nîûndû wa mathîna marîa maûkîte kûrî mue!