Kîam 1:29 - ÎVUKU RÎA ÛVORO MWARO

²⁹ Nînamûva mîtî ya mîthemba yonthe îrîa îciaraga mvîndî, na matunda ma mîthemba yonthe irî irio cienyu cia kûrîa.

Kîam 1:29 ပူးပေါင်းရင်းမြစ်များ

Kîam 2:16

Ngai-Mûnene, Ngai nîwerire mûndû atîrî, “Nwa ûrîe matunda ma mîtî yonthe îrîa îrî mûgûndarî ûyû,

Kîam 6:21

Na ûtonyie mîthemba yonthe ya irio ûciige îkûmbîrî irî ciaku na cia nyamû na iconi icio.”

Kîam 9:3

Nie nînamûva nyamû cionthe ituîke irio cienyu, wata ûrîa namûveere mîmera îtuîke irio cienyu.

Ayubu 36:31

Ûguo nîguo Ngai avecaga andû gîa kûrîa, avecaga andû irio cia kwîgana.

Thaburi 111:5

Nîavecaga arîa mamwîtigagîra irio, ndariganagîrwa nî kîrîkanîro gîake.

Thaburi 115:16

Îgûrû nîkwa Ngai-Mûnene arî wenga; nwatî nîwavecanire nthî kûrî andû.

Thaburi 136:25

Nîke ûvecaga ciûmbe cionthe irio; nîûndû wendo wake ûtathiraga ûtûûraga tene na tene.

Thaburi 146:7

Nîke ûtucaga cira wa arîa avinyîrîrie na kîvooto, nîke ûvecaga arîa avûtu gîa kûrîa. Ngai-Mûnene nî arekagîrîria arîa oove,

Thaburi 147:9

Nîavecaga nyamû gîa kûrîa, na akava tûcui twa ikûngûrû rîrîa twagamba.

Thaburi 24:1

Nthî na indo cionthe irîa irî kuo nî cia Ngai-Mûnene, nthî nî yake wana andû onthe arîa matûûraga kuo nî ake.

Isaia 33:16

Mûndû wa mûthemba ûcio atûûraga îgûrû; vandû vake va ûgitîri vakethagîrwa vatumîtwe na nthingo cia vinya. Ndagaatura irio cia kûrîa, kana manjî ma kûnyua.

Hosea 2:8

Ke ndamenya atî nînie namûveere irio ndivei na maguta, na ngîmûva sîlûva na thaavu na wîngî, irîa ategeere Baali.

Mathaayo 6:11

Tûve ûmûnthî irio cietû cia gûtwîgana.

Ciîko 14:17

Nwatî vîndî cionthe ke nîwîthîrîtwe akîonania na ma atî arî kuo na njîra ya maûndû maro marîa ekaga kûrî andû. Ke nîke urithagia mbura kuuma îgûrû na akamûva imera mavinda marîa magîrîru. Ke nîke ûmûvecaga irio na agecûria ngoro cienyu na gîkeno.”

Ciîko 17:28

wata ûrîa mûndû ûmwe augîte atîrî, ‘Ke nîke ûtûmaga tûtûûre, tûvote kûthiî na twîthîrwe tûrî kîrîa tûrî.’ Andîki amwe enyu nîmaugîte atîrî, ‘Wa natue na tûrî ciana ciake.’

1Tim 4:3

Andû acio mathomithanagia atî nî naaî kûvikania na nî naaî kûrîa irio cia mîthemba îmwe na îmwe. Nwatî Ngai aaûmbire irio cionthe irî mbaro nîguo irîcagwe vuva wa gûcokia ngatho kûrî Ngai. Ciagîrîrwe nî kûrîwa nî etîkia arîa mamenyete ûvoro wa ma.

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.