Kîam 1:27 - ÎVUKU RÎA ÛVORO MWARO

²⁷ Kwoguo Ngai nîwaûmbire andû mavana take. Aamaûmbire marî mûndû mûrûme na mûndû mûka.

Kîam 1:27 ပူးပေါင်းရင်းမြစ်များ

Kîam 2:18

Nake Ngai-Mûnene, Ngai nîwaugire atîrî, “Tî waro mûndû ûyû ekare arî wenga. Nîngûmûmbîra mûmûtethia ûrîa maganîrîrue nake.”

Kîam 2:7

Nake Ngai-Mûnene, Ngai nîwocire mûthetu na akîûmba mûndû naguo. Nîwacokire akîmûveverera mîruke ya mwoyo maniûrûrî, na mûndû ûcio agîtuîka kîûmbe kîrî mwoyo.

Kîam 9:6

Mûndû wa wonthe ûkaûraga mûndû ûrîa wîngî, wanake akaûragwa nî mûndû nîûndû Ngai aaûmbire mûndû na mûvano wake.

Thaburi 139:14

Nînîragûkumia nîûndû nî ûnyûmbîte na njîra ya magegania na ya gwîtigîrwa; ciîko ciaku nî cia magegania. Nie mwene nîmbîcî waro!

Mûvunjia 7:29

Nînamenyire ûndû ûmwe atî, Ngai aaûmbire andû marî agîrîru, nwatî nîo mecarîrîtie mathîna.

Isaia 43:7

Andû onthe arîa metanagua nanie, arîa naûmbire nîûndû wa riiri wakwa, arîa naûmbire na ngîtûma magîe kuo.”

Jeremia 29:6

Vikaniani na mûgîe na ciana cia anake na cia erîtu; anake enyu nîmavikanie na erîtu enyu mavikue na magîe na ciana cia anake na cia erîtu: ongererekani mûrî kûu na mûtikanyive.

Malaki 2:15

Na kinthî tî Ngai-Mûnene watûmire we na mûka waku mûtuîke mwîrî ûmwe na mûgîe na ngoro îmwe? Endaga kwonania atîa? Ngai endaga tûgîcage na ciana imwîtigîrîte na imûkumagia. Kwoguo, menyererani atî gûtikethîrwe kûrî na mûndû gatagatîrî kenyu ûtarî mwîvokeku kûrî mûka ûrîa aavikirie arî mwîthî.

Mathaayo 19:4

Nake Jesû nîwamûcokerie atîrî, “Anga mûtirî mwathoma Mandîko Matheru marîa maugaga atî, kuuma wa Kîammbîrîria Ngai aaûmbire mûndûmûrûme na mûndûmûka,

Maariko 10:6

Nwatî kuuma Kîammbîrîria gîa kûmbwa kwa nthî, wa ta ûrîa kwîrîtwe mandîkorî atîrî, ‘Ngai aaûmbire mûndûmûrûme na mûndûmûka.

Aefeso 2:10

Ngai aatûmbire ûguo twîkariî na njîra ya Kristû nîguo twîkage ciîko mbaro irîa aavangîte twîkage.

Aefeso 4:24

Nwanginya mwîkîre ûmûndû mûcerû ûrîa ûmbîtwe ûvananîte na Ngai na wîyonithanagia ûtûûrorî wa ma ûrîa mûthingu na mûtheru.

Gûco 4:32

“Tuîriani îgûrû rîgiî mavinda marîa mavîtûku rîrîa mûtaarî aciare nginya rîrîa Ngai aaûmbire mûndû gûkû nthî. Tuîriani nthî yonthe mwone kana kûrî ûndû mûnene ta ûyû wanekîka kana waneguîka.

Akol 1:15

Kristû nîke mûvuano wa Ngai ûrîa ûtonekaga. Nîke Mûriû wa îrikithathi na nî mûnene gûkîra indo cionthe irîa ciaûmbirwe.

Akol 1:26

nthitho îrîa îtwîre îthithîtwe njiarwa cionthe irîa ivîtûkîte, nwatî rîu nthitho îo nînguûrîrie andû ake.

Akol 3:10

na nîmwekîrire ûmûndû mûcerû. Naguo ûmûndû wenyu ûyû mûcerû wîkaraga ûgîcerûvagua vîndî cionthe nîguo ûvanane na Ngai ûrîa waûûmbire, nîguo ûgîe na ûmenyo wa ma wake.

Atir 21:22

Methe mao kana aa mûrwang'ina mangîûka kûmûnegenera, mûkaameera, ‘Twamûthaitha mûtwîtîkîrie twîkare nao nîûndû tûtiamocire nîguo matuîke aka etû tûrî mbaararî. Wana tîmue mwatûveere o, kwoguo mûtirî na mavîtia ma kuna kîîranîro kîenyu.’ ”