Kîam 1:14 - ÎVUKU RÎA ÛVORO MWARO

¹⁴ Ngai nîwacokire akiuga atîrî, “Nîkûgîe motheri matuurî îgûrû ma kwamûranagia mûthenya na ûtukû na monanagie mavinda, mîthenya, na mîaka.

Kîam 1:14 ပူးပေါင်းရင်းမြစ်များ

Kîam 1:13

Nakuo nîgwatukire na gûgîcoka gûgîkîa. Ûcio nîguo warî mûthenya wa kathatû.

Kîam 1:15

Motheri mau magaakengaga marî matuurî îgûrû, na magaatûmaga nthî kûgîe na ûtheri.” Na gûgîtuîka guo.

Kîam 8:22

Vîndî îrîa yonthe nthî îkethagîrwa îrî vo, gûkethagîrwa na îvinda rîa mavanda na îvinda rîa maketha, îvinda rîa mvevo na îvinda rîa ûrugarî, îvinda rîa riûa na îvinda rîa mbura, îvinda rîa mûthenya na îvinda rîa ûtukû.”

Kîam 9:13

nîngwiga mûkûngambura wakwa matuurî na ûkethagîrwa ûrî rûûri rwa kîrîkanîro gîakwa na nthî.

Ayubu 25:3

Kûrî mûndû ûngîvota gûtara athigari ake a mbaara? Kûrî mûndû ûtakinyagîrwa nî ûtheri wake?

Ayubu 25:5

Ethîrwa methorî make mweri ndûrî na ûtheri wa kwîgana, kana njata tî ntheru mbere yake;

Ayubu 3:9

Njata îrîa yumaga gûgîkîa nî yûrîre, nîîkare yetererete ûtheri nwatî ndîkaawona, wana ndîkoona mîrûri ya riûa rîkîratha.

Thaburi 119:91

Ciûmbe cionthe itûûraga kuo nîûndû wa rîathani rîaku, nîûndû indo cionthe nî ndungata ciaku.

Thaburi 148:3

Mûkumieni mue riûa na mweri, mûkumieni mue njata cionthe irîa ikengaga.

Thaburi 148:6

Nîwavandire wa kîndû varîa kîrî tene na tene, na nîwathondekire watho ûtangîgarûrwa.

Thaburi 150:1

Kumiani Ngai-Mûnene! Kumiani Ngai-Mûnene mûrî hekarûrî yake, mûkumieni arî îgûrû kûu gwake kûnene!

Thaburi 81:3

Vuvani karumbeta mwanîrîre kîrugo Kîam mweri wacicûka, na kîrugo gîetû vîndî îrîa mweri ûramakia nthinwa.

Isaia 40:26

Taroriani îgûrû mwone! Nû waûmbire indo icio cionthe? Nî ûrîa ûitongoragia ta athigari ake a mbaara, nîaicî cionthe ûrîa ciîgana, aciîtaga cionthe na marîîtwa ma cio. Gûtirî wanarî kîndû kîmwe kîthagîrwa gîtarî vo, nîûndû Ngai-Mûnene arî vinya nyîngî.

Jeremia 10:2

Ngai-Mûnene arauga atîrî, “Mûtikarûmîrîre mîthiîre ya mavûrûri marîa mengî, na mûtikamakue nî marûûri ma îgûrû, nîûndû mavûrûri marîa mengî nîmaramakua nîmo.

Jeremia 31:35

Ngai-Mûnene ûrîa arî ke Ngai mwene vinya wonthe arauga atî: Nîke ûvecaga riûa ûtheri nîguo rîare mûthenya, na akava mweri na njata ûtheri nîguo imûrîkage ûtukû. Nîke winainagia îria gûkagîa na makûmbî ma manjî na makaruruma.

Jeremia 33:20

“Ethîrwa nwa ûvote kûgarûra kîrîkanîro kîrîa naarûthire na mûthenya na ûtukû nîguo gûtikagîe mavinda ma mûthenya na ma ûtukû,

Jeremia 33:25

Ngai-Mûnene arauga atîrî: Nînarûthire kîrîkanîro kîgiî mûthenya na ûtukû na ngîrûtha mawatho ma îgûrû na nthî.

Ezek 46:1

Ngai-Mûnene nîwambîrire atîrî, “Kîvingo gîa kîvaro Kîam ndarî kîrîa kîerekerete na mwena wa îrathîro nwanginya kîthagîrwe kîrî kîvinge mîthenya yonthe îtandatû îrîa îrutagwa wîra. Nwatî kîrugûragwe mûthenya wa thavatû na vîndî ya kîrugo gîa karûngamo ka mweri.

Ezek 46:6

Vîndî ya kîrugo gîa karûngamo ka mweri mûnene akaarutaga îtega rîa karegwa, tûtûrûme tûtandatû, na ndûrûme îmwe cionthe itarî na wonje.

Joeli 2:10

Nthî nîîratetema mbere yao îgûrû nîrîrainaina. Riûa na mweri nîiratuîka nduma, nacio njata nîitigîte kûruta ûtheri.

Joeli 3:15

Riûa na mweri nî igîte nduma, na njata nîitigîte kûgîa na ûtheri.

Amosi 5:8

Ngai-Mûnene nîke waûmbire njata, nîke waûmbire Kîrîmîra na Orioni. Nîke wagarûrire nduma nene îgîtuîka ûtheri, na mûthenya ûgîtuîka ûtukû. Acokanagîrîria manjî ma îria vamwe na akametûrûra nthî. Etagwa Ngai-Mûnene.

Amosi 8:9

Ngai-Mûnene arauga atîrî, Mûthenya ûcio nîngaatûma riûa rîthûe mûthenya, na ndûme kûgîe nduma.

Mathaayo 2:2

na makîûria andû atîrî, “Mwana ûrîa ûciarîtwe nîguo agaatuîka mûthamaki wa Ayahudi arî kû? Tue nîtûmenyithirue ûvoro wa gûciarwa gwake nî njata yumîte mwena wa îrathîro, na rîu twaûka kûmûgooca.”

Mathaayo 24:29

“Na warîo vuva wa vîndî îo ya mathîna, riûa nîrîgaatuîka nduma, mweri ûtige kwara, njata igwe nthî kuuma îgûrû, na maavinya marîa marî îgûrû mainainue.

Maariko 13:24

“Mîthenyarî îo vîndî ya mathîna yavîtûka riûa nîrîgaatuîka nduma mweri ûtige kwara,

Luka 23:45

nakîo gîtambaa Kîam hekarû gîgîatûkana maita maîrî.

Gûco 4:19

Rîrîa mwaroria îgûrû mwona riûa, mweri, na njata, na ciûmbe cionthe cia îgîrû, îîmenyagîrîreni mûtikagwe mageriorî ma gûciînamîrîra mûigooce kana mûitungatîre. Ngai-Mûnene, Ngai wenyu avecanîte indo icio kûrî andû onthe a nthî.

Kûguû 6:12

Rîrîa Gatûrûme gatumûrire rûtumo rwa gatandatû, nî kwagîîre na kîthingithia kînene. Riûa nîrîatigire kwara na gûkîgîa nduma. Naguo mweri nîwatunîvire ta nthakame.

Kûguû 8:12

Nake mûraika wa kana nîwavuvire karumbeta gake. Nakîo gîcunjî kîmwe Kîam ithatû Kîam riûa, mweri na njata nîciaringirwe. Kwoguo gîcunjî kîmwe Kîam ithatû Kîam ûtheri wacio nîwarumire. Nakîo gîcunjî kîmwe Kîam ithatû Kîam mûthenya na Kîam ûtukû gûtiarî na ûtheri.

Kûguû 9:2

Njata îo nîyavingûrire îrima rîu rîtarî mûthiia. Nayo ndogo yekariî ta ndogo ya mwaki wa îcua nîyaumire kûu îrimarî rîu. Nayo ndogo îo yaumaga îrimarî rîu îrikîru rîtarî mûthiia nîyecûrire rîerarî na îkîvingîrîria ûtheri wa riûa.