Josh 8:35 - ÎVUKU RÎA ÛVORO MWARO

³⁵ Andû onthe a Isiraeli, aka na ciana na ageni arîa maatûûranagia nao nîmaathomerwe mawatho monthe marîa Musa aandîkire. Gûtirî wana rîmwe rîamo rîatigîrîrwe.

Josh 8:35 ပူးပေါင်းရင်းမြစ်များ

Ezira 10:1

Ezira nîwavoyaga akîrîraga na akiumbûraga mevia make akîgwîthagia nthî mbere ya hekarû. Vîndî wa îo gîkundi kînene Kîam andû a Isiraeli arûme, aka, na ciana, nîmaaûkire na makîûngana mamûthiûrûrûkîrîtie makîrîraga marî na ûrûrû mwîngî mûno.

Nehemia 8:2

Kwoguo Ezira mûthînjîri-Ngai nîwaretire îvuku rîa Watho varîa andû maagomanîte. Andû acio maarî arûme, aka na ciana irîa ingîataûkîrwe nî maûndû. Mûthenya ûcio nîguo warî wa mbere wa mweri wa mûgwanja.

Nehemia 8:3

Ezira arî vau kîvarorî Kîvingorî Kîam Manjî nîwathomere andû onthe watho, arûme, aka na ciana kuuma kîraûko tene nginya mûthenya gatagatî, na andû onthe nîmaathikîrîrîtie waro.

Ntha 12:38

Na andû engî eengî nîmaathiîcanirie vamwe nao na mbûri ng'ondu, na ng'ombe.

Jeremia 26:2

“Rûngama nja ya hekarû na warîrie andû a matûûra ma Juda arîa maûkaga gûkû hekarûrî kûgooca, ûmeere maûndû monthe marîa ngûkwatha ûtagûtigîrîra wanarî kiugo.

Joeli 2:16

Ûnganiani andû vamwe; varîrîriani andû nîûndû wa kîûngano kîtheru; reteni andû arîa akûrû, ûnganiani ciana vamwe, wana ciana irîa ironga. Andû arîa maravikanirie nîmaume kwao nyomba maûke.

Zakaria 8:23

Vîndî îo, andû îkûmi kuuma mavûrûrirî na mîarîrie yonthe nîmagetonyereria varî Mûyahudi ûmwe na mamwîre atîrî, ‘Tiga tûthiîcanie nawe nîûndû nîtwîguîte atî Ngai arî vamwe namue.’ ”

Maariko 10:14

Rîrîa Jesû oonire ûguo nîwarakarire na akîîra arutwa ake atîrî, “Îtîkîriani twana tûke kûrî nie, tigani gûtûgiria, nîûndû Ûthamaki wa Ngai nî wa arîa mekariî ta tuo.

Ciîko 20:27

nîûndû nie ndianamûthitha ûndû wana ûmwe wa marîa Ngai avangîte gwîka.

Ciîko 21:5

Na rîrîa kavinda getû ga gwîkarania nao kaathirire, nîtwaumire kuo tûkîthiî na mbere na rûgendo rwetû. Nao arutwa onthe vamwe na aka ao na ciana, nîmaatumagaririe magîtûkinyia nja ya îtûûra rîu. Tuonthe nîtwaturirie maru vau rûtererî rwa îria na tûkîvoya.

Gûco 29:10

“Ûmûnthî, muonthe mûrûngamîte mbere ya Ngai-Mûnene Ngai wenyu: atongoria a mîvîrîga yenyu, anene, arûme onthe a Isiraeli,

Gûco 29:11

aka, ciana, ageni arîa mekaraga kwenyu makîmûtavagîra manjî na magîtemaga mîtî.

Gûco 29:9

Kwoguo rûmagîrîrani na kinyi maathani make monthe nîguo maûndû monthe marîa mûgekaga mamûthatûkage.

Gûco 31:12

Îta andû onthe magomane vamwe: arûme, aka, ciana na ageni arîa marî matûûrarî menyu, nîguo mûndû wa wonthe egue na amenye gûtîîa Ngai-Mûnene Ngai wenyu, na kûrûmîrîra maathani make na kinyi.

Gûco 4:2

Mûtikongerere kana mûrute ûndû wanarî ûmwe kûrî maûndû marîa ngûmwatha. Athîkagîra maathani ma Ngai-Mûnene, Ngai wenyu marîa nîmûvete.