Josh 8:33 - ÎVUKU RÎA ÛVORO MWARO

³³ Andû a Isiraeli marî vamwe na athuuri, anene na atongoria ao na ageni arîa maarî nao nîmaarûngamire mîenarî yoîrî ya îthandûkû rîa kîrîkanîro mbere ya athînjîri-Ngai a Alawi arîa maarîkuîte. Nuthu yao maarûngamîte mbere ya kîrîma Kîam Gerizimu na nuthu îngî îkarûngama mbere ya kîrîma Kîam Ebali. Ûguo nîguo Musa ndungata ya Ngai-Mûnene amaathire mageeka rîrîa kavinda gagaakinya ga kwamûkîra kîrathimo.

Josh 8:33 ပူးပေါင်းရင်းမြစ်များ

Ntha 12:49

Mawatho mama makaarûmagîrîrwa nî mûndû ûrîa ûciarîrîtwe kwa andû a Isiraeli na mûgeni ûrîa ûtûûranîtie namue.”

Alawi 24:22

Watho ûyû nî wenyu muonthe, Aisiraeli wana ageni arîa mûtûûranagia nao, nîûndû Nie nînie Ngai-Mûnene, Ngai wenyu.”

Ndari 15:15

Kwoguo nî mûtûûra mûrûmagîrîra watho ûyû mûrî na ageni arîa mûtûûranagia nao. Mue wana ageni acio mûrî ûndû ûmwe mbere ya Ngai-Mûnene.

Ndari 15:16

Mue vamwe nao mûkaarûmagîrîra watho na kîrîra kîmwe.”

Ndari 15:29

Watho ûyû ûkaarûmagîrîrwa nî andû onthe arîa makeevia matakûmenya, marî andû a Isiraeli kana ageni arîa matûûranagia nao.

Johana 4:20

Methe metû ma tene ma Samaria maagoocagîra Ngai kîrîmarî gîkî, nwatî mue Ayahudi mugaga atî îtûûrarî rîa Jerusalemu nîkuo twagîrîrwe nî kûgoocera Ngai.”

Gûco 11:29

Mwakinyua nî Ngai-Mûnene Ngai wenyu vûrûrirî ûrîa aamwîrîîre na mûwîgwatîre, nî mûkaanîrîra mûrî kîrîmarî Kîam Gerizimu ûrîa akaamûrathima, na mûrî kîrîmarî Kîam Ebali, mwanîrîre ûrîa akaamûverithia.

Gûco 31:12

Îta andû onthe magomane vamwe: arûme, aka, ciana na ageni arîa marî matûûrarî menyu, nîguo mûndû wa wonthe egue na amenye gûtîîa Ngai-Mûnene Ngai wenyu, na kûrûmîrîra maathani make na kinyi.

Gûco 31:25

Arîkia kwandîka, nîwerire Alawi arîa maakuuaga îthandûkû rîa kîrîkanîro Kîam Ngai-Mûnene atîrî,

Gûco 31:9

Musa nîwandîkire watho wa Ngai na akîûnenganîra kûrî athînjîri-Ngai, Alawi arîa maakuuaga îthandûkû rîa kîrîkanîro Kîam Ngai-Mûnene na atongoria onthe a Isiraeli.

Josh 23:2

Joshua nîwetire andû onthe a Isiraeli, athuuri, atongoria, atirîrîri vûrûri na anene a andû na akîmeera atîrî, “Rîu nîrî mûkûrû mûno

Josh 24:1

Joshua nîwacokire agîta andû a mîvîrîga yonthe ya Isiraeli. Nao nîmaagomanire vamwe Shekemu. Nîwetire athuuri, atongoria, atirîrîri vûrûri na anene a andû a Isiraeli mathiî vakuvî na îgema rîrîa rîamûre.

Josh 3:14

Rîrîa andû a Isiraeli maaumire varîa maambîte magema mao, athînjîri-Ngai arîa maakuuîte îthandûkû rîa kîrîkanîro maarî mbere yao.

Josh 3:3

makîmeeraga atîrî, “Vîndî îrîa mûkoona athînjîri-Ngai Alawi makuuîte îthandûkû rîa kîrîkanîro Kîam Ngai-Mûnene Ngai wenyu, mûgaaûkîra muume kûu mwambîte magema mûrîrûmîrîre.

Josh 3:6

Joshua nîwacokire akîîra athînjîri-Ngai makuue îthandûkû rîa kîrîkanîro na mathiî marî mbere ya andû. Nao nîmeekire wata ûguo aameerire.

Josh 4:10

Athînjîri-Ngai arîa maakuuîte îthandûkû rîa kîrîkanîro nîmeekarire marûngamîte gatagatî ka rûnjî nginya rîrîa andû meekire maûndû monthe kûringana na ûrîa Joshua aathîtwe nî Ngai-Mûnene ameere. Ûguo nîguo Joshua aathîtwe nî Musa. Andû nîmaaringire rûnjî rwa Jorodani na îvenya.

Josh 4:18

Nao athînjîri-Ngai makuuîte îthandûkû rîa kîrîkanîro Kîam Ngai-Mûnene nîmaaumire rûnjîrî gatagatî. Na rîrîa maakinyire nguvarî ya rûnjî, manjî nîmaambîrîrie kûnyûrûrûka rîngî. Naruo rûnjî nîrwecûrire na rûkiuna rîngî wata ûrîa rwekariî mbere ya maringa.

Josh 6:6

Kwoguo Joshua nîwetire athînjîri-Ngai na nîwamerire atîrî, “Kuuani îthandûkû rîa kîrîkanîro na engî mûgwanja mathiî marî mbere ya îthandûkû rîa kîrîkanîro makuuîte tûrumbeta twa mvîa cia ndûrûme.”