Josh 6:24 - ÎVUKU RÎA ÛVORO MWARO

²⁴ Nîmaacokire makîvîvia îtûûra wana indo cionthe irîa ciarî kuo. Nwatî matiavîvia indo irîa ciarûthîtwe na sîlûva, thaavu, gîcango na cuuma. Indo icio ciaigirwe kîgînarî Kîam Ngai-Mûnene.

Josh 6:24 ပူးပေါင်းရင်းမြစ်များ

2Sam 10:5

Rîrîa Daudi aamenyithirue ûvoro ûcio, nîwatûmanire matûngwe nîûndû andû acio nîmegucaga nthoni nyîngî mûno. Nîwacokire akîmeera mekare Jeriko nginya rîrîa nderu ciao ikaneneva rîngî macoke macoke.

2Atha 25:9

Nîwavîvirie hekarû, nyomba ya mûthamaki na nyomba cionthe cia Jerusalemu. Nyomba cionthe nene îtûûrarî nîciavîvirue.

1Maû 18:11

Mûthamaki Daudi nîwamûrire indo icio ituîke cia Ngai-Mûnene. Aaciamûrire irî vamwe na sîlûva na thaavu îrîa aarutîte mavûrûrirî marîa aavootete. Mavûrûri mau nî: Edomu, Moabu, Aamoni, Filisiti na Amaleki.

Ndari 31:10

Nîmaavîvirie matûûra na icagi ciao cionthe.

Gûco 13:16

Mûkaaûngania indo cionthe cia andû a îtûûra rîu na mûivire kîvarorî gîa îtûûra na mûvîvie îtûûra rîu vamwe na indo cionthe rîrî îtega rîa kûvîvua kûrî Ngai-Mûnene Ngai wenyu. Îtûûra rîu rîgaatûûra rîrî rîomomoku na rîtigaatumwa rîngî.

Gûco 13:17

Mûtikeigîre kîndû wanarî kîmwe Kîam irîa ciathanirwe icûkangue, nîguo Ngai-Mûnene athirwe nî marakara. Nîagaacoka amwîguîre ntha na atûme mwîngîve wata ûrîa eerîre methe menyu,

Gûco 20:16

“Nwatî rîrîa mûkeegwatîra matûûra marîa marî vûrûrirî ûrîa Ngai-Mûnene Ngai wenyu akûmûva ûrî îgai rîenyu, mûkaaûraga kîndû wa kîonthe kîrî mwoyo kuo.

Josh 11:11

Nîmaaûragire andû onthe arîa maarî îtûûrarî rîu, makîrîvîvia na gûtirî mûndû wana ûmwe watigarire arî mwoyo.

Josh 6:19

Kîndû kîonthe kîthondeketwe na sîlûva, thaavu, gîcango na cuuma nîkîamûrîre Ngai-Mûnene. Icio cionthe nîikaaigwa kîgînarî Kîam Ngai-Mûnene.”

Josh 6:25

Nwatî Joshua nîwavonokirie Rahabu ûrîa mûmaraa, îthe na nyomba yake na arîa onthe metanîtue nake, nîûndû nîwathithire andû arîa maatûmîtwe nî Joshua makathigane îtûûra rîu. Rahabu na andû a nyomba yao nwa matûîre Isiraeli nginya ûmûnthî.

Josh 8:28

Joshua nîwavîvirie îtûûra rîa Ai na rîgîtigwa rîrî rîomomoku, na nwaguo rîtûûraga nginya ûmûnthî.

Kûguû 17:16

Mvîa irîa îkûmi wonire, na nyamû nîikaathûûra mûmaraa ûcio na nîigooca indo ciake cionthe irîa arî nacio na imûtige arî njaga. Nîikaarîa nyama cia mwîrî wake na imûvîvie na mwaki athire.

Kûguû 18:8

Nîûndû wa ûguo, mûthenya ûmwe nîakaaverithua na mûrimû, kîeva na yûra, na acoke avîvue na mwaki, nîûndû Mwathani Ngai, ûrîa ûmûtucagîra ciira nî mwene vinya.”