28 Joshua nîwerire andû mathiî, na wa mûndû nîwathiîre vûrûrirî ûrîa aaumîte.
Andû acio engî a Isiraeli, athînjîri-Ngai na Alawi arîa maatigarire maatûûraga mîciî kwao matûûrarî mau mengî monthe ma Juda.
nîguo îgai rîa andû a Isiraeli rîtikaume kwao, rîthiî mûvîrîgarî wîngî. Mûisiraeli wa wonthe agekaraga kûrîa îgai rîa mûvîrîga wake rîrî.
Kwoguo gûtirî îgai rîkaauma mûvîrîgarî ûmwe rîthiî ûrîa wîngî. Wa mûvîrîga wa wonthe wa Isiraeli ûgeekaraga kûrîa îgai rîaguo rîrî.”
Kwoguo Joshua nîwamarathimire na akîmeera mathiî. Nao nîmaathiîre kwao mîciî.
Joshua nîwerire andû onthe atîrî, “Taroriani, îthiga rîîrî nîrîegua maûndû monthe marîa Ngai-Mûnene atwîra. Kwoguo rîgatuîkaga ûira kûrî mue wa kûmûgiria mûregana na Ngai.”
Vuva wa maûndû mau ndungata ya Ngai-Mûnene Joshua mûvîcî wa Nuni nîwakwire. Aakwire arî na ûkûrû wa mîaka îgana rîmwe na îkûmi (110).
Rîrîa Joshua aarîkirie kwîra andû a Isiraeli mathiî, wa mûndû nîwathiîre vûrûrirî wake ûrîa aagaîrîtwe.