Josh 18:28 - ÎVUKU RÎA ÛVORO MWARO

²⁸ Zela, Haelefu, Jebusi (kana Jerusalemu), Gibea na Kiriathu Jearimu wa vamwe na icagi irîa ciarî vakuvî namo. Mau monthe maarî matûûra manene îkûmi na mana. Ûcio nîguo vûrûri ûrîa mbarî cia mûvîrîga wa Benjamini ciagaîrwe ûtuîke wao.

Josh 18:28 ပူးပေါင်းရင်းမြစ်များ

2Sam 21:14

Andû a Daudi nîmaathikire mavîndî ma Saûlo na Jonathani mbîrîrarî ya Kishu, îthe wa Saûlo îrîa yarî Zela vûrûrirî wa Benjamini, na magîka ûrîa wonthe mûthamaki amaathîte. Vuva wa ûguo, Ngai nîwacokirie mavoya marîa maavoete nîûndû wa vûrûri wao.

2Sam 23:29

Helebu mûvîcî wa Baana wa kuuma Netofa, Itai Mûvîcî wa Ribai wa kuuma Gibea Kûrîa kwarî vûrûrirî wa Benjamini.

2Sam 5:6

Mûthamaki Daudi na andû ake nîmaacokire makîthiî kûtharîkîra Jerusalemu. Nao Ajebusi, arîa maatûûraga kuo meeciragia atî Daudi ndangîavotire kûvoota îtûûra rîu. Kwoguo nîmaamwîrire atîrî, “We ndûngîtonya gûkû, nîûndû wana itumumu na ithua nîigûkûgirîrîria gûtonya.”

2Sam 5:8

Mûthenya ûcio Daudi nîwerire andû ake atîrî, “Mûndû wa wonthe ûmenete Ajebusi na ûngîenda kûmaûraga, nîaunûkîrîrie mûtarorî wa manjî athiî akatharîkîre ithua na itumumu icio menete” (Kîu nîkîo gîtûmaga kwîrwe, atî “Ithua na itumumu itingîtonya nyombarî ya Ngai-Mûnene.”)

1Maû 8:28

Acio nîo maarî atongoria a mbarî ciao kûringana na njiarwa ciao arîa maatûûraga Jerusalemu.

Isaia 10:29

Nîivîtûkîte îriûko, na ûmûnthî nîmararîrîra Geba! Andû a Rama marainaina nî guoya; nao andû a Gibea, îtûûra rîa Saûlo nîmaûrîte.

Jeremia 6:1

Mue andû a Benjamini, ûrani mûkegitîre! Ûrani mume Jerusalemu! Vuvani karumbeta mûrî Tekoa; na mwonanie rûûri rwa ûgwati kûu Bethi-hakeremu! Nîûndû ûndû mûcûku na mwanangîko kuuma mwena wa rûgûrû nîûkîte.

Hosea 10:9

Mue andû a Isiraeli, kuuma vîndî îrîa mwarî Gibea, mûtûûraga mwîvagia, na nginya rîu nwa mwîvagia. Mûgacûkangua nî mbaara mûrî kûu Gibea.

Ndari 26:38

Andû a mûvîrîga wa Benjamini maarî: mbarî ya Bela, mbarî ya Ashibeli, mbarî ya Ahiramu,

Ndari 26:54

Gaîra mûvîrîga ûrîa mûnene gîcunjî kînene, naguo mûvîrîga ûrîa mûnini ûûgaîre gîcunjî kînini. Ûgaîre wa mûvîrîga îgai rîaguo kûringana na ûrîa andû aguo megana.

Ndari 33:54

Mûkagaana vûrûri ûcio kûrî wa mûvîrîga na wa mbarî na njîra ya kûthîrwa. Mûvîrîga ûrîa mûnene nîguo ûkaagaîrwa gîcunjî kîrîa kînene, naguo mûvîrîga ûrîa mûnini ûgaîrwe gîcunjî kîrîa kînini.

Josh 15:63

Nwatî andû a Juda matiavota kwîngata andû a Jebusi kuuma Jerusalemu kûrîa maatûûraga. Kwoguo andû a Jebusi matûûraga vamwe na andû a Juda kûu Jerusalemu nginya ûmûnthî.

Josh 15:8

Nîwacokete ûkathiîrîra Kîamndarî Kîam Hinomu na mwena wa îveti wa kîrîma kîrîa gîatumîtwe îtûûra înene rîa Ajebusi rîrîa rîtagwa Jerusalemu. Mûvaka nîwacokete ûkathiîra kîrîmarî kîu îgûrû na mwena wa îthûîro wa Kîamnda Kîam Hinomu kinya mûthiia wa Kîamnda Kîam Refaimu.

Josh 18:16

Kuuma ithimarî cia Nefutoa nîwanyûrûrûkîte ûkathiî nthî ya kîrîma kîrîa kîgiritanîtie na Kîamnda Kîam Hinomu mûthiiarî wa Kîamnda Kîam Refaimu mwena wa rûgûrû. Nîwacokete ûkathiî mwena wa îveti ûvîtûkîrîrîte Kîamndarî Kîam Hinomu mwena wa îveti îtûûra rîa Ajebusi warekerete Enirogeli.

Josh 18:27

Rekemu, Irupeeli, Tarala,

Josh 19:1

Mûvîrîga wa kaîrî kûgaîrwa vûrûri warî mûvîrîga wa Simeoni na mbarî ciaguo. Vûrûri wao nîwathiûrûrûkîtwe nî vûrûrirî ûrîa wagaîrwe Juda.

Atir 1:21

Nwatî andû a mûvîrîga wa Benjamini matiengata Ajebusi arîa maatûûraga Jerusalemu, na kuuma vîndî îo Ajebusi matûûranagia na andû a Benjamini kûu Jerusalemu nginya ûmûnthî.

Atir 19:10

Nwatî Mûlawi ndeendaga kûraara kuo rîngî. Kwoguo nîwocire mûka ûrîa aaigîte, ndungata yake na mvunda ciake cioîrî ikuîte mîrigo na makîambîrîria rûgendo.

1Sam 10:26

Saûlo wanake nîwacokire gwake mûciî kûu Gibea. Nao arûme amwe maarî na vinya arîa maavutîtue ngoro ciao nî Ngai, nîmaathiîre vamwe nake.