Jona 3:6 - ÎVUKU RÎA ÛVORO MWARO

⁶ Rîrîa mûthamaki wa Nineve eegwire ûguo, nîwaûkîrire na akiuma gîtîrî gîake Kîam ûthamaki, akîruta nguo yake ya ûthamaki na agîkîra nguo ya macakaya na agîkara nthî mûurî.

Jona 3:6 ပူးပေါင်းရင်းမြစ်များ

1Atha 21:27

Rîrîa Elija aarîkirie kwîra Ahabu ûguo, Ahabu nîwatembûrangire nguo ciake, agîkîra nguo cia macakaya na akînyerekia. Nîwamamaga ekîrîte nguo cia macakaya na akathiîcaga kûndû na kûndû arî na kîeva.

Ayubu 2:8

Ayubu nîwocire rûgîo na akîambîrîria kwîthûa ironda naruo ekarîte vandû mûurî.

Ayubu 42:6

Kwoguo, nîngûvera ngîvakaga rûkûngû na mûu, nîreyonaga nîrî kîndû Kîam mana.”

Isaia 15:3

maravîtûkîrîra njîrarî mekîrîte nguo cia macakaya; maracakaya makîrîraga methori marî nyombarî îgûrû na ivaarorî cia matûûra.

Jeremia 13:18

Ngai-Mûnene nîwambîrire atîrî, “Îra mûthamaki na ng'ina maume itîîrî cia ûthamaki, nîûndû nthûmbî ciao irîa nthaka, nînyumu ciongorî ciao.

Jeremia 36:13

Nake Mikaia nîwamerire ciugo cionthe irîa eguire vîndî îrîa Baruku aathomire îvuku rîa gîkûnjo mbere ya andû onthe.

Jeremia 36:24

Kûnarî ûguo, mûthamaki kana ndungata ciake megua maûndû mau monthe, matiamaka kana matembûranga nguo ciao nî kîeva.

Jeremia 6:26

Ngai-Mûnene arauga atîrî, “Îkîrani nguo cia macakaya mue andû akwa, na mwîgaragarie mûurî, cakayani mûrî na ûrûrû, ta mûndû agîcakaîra mûvîcî wa kîmomwe, nîûndû nthû îgaûka kûmûthiria wa rîmwe.

Maca 2:10

Athuuri a Jerusalemu mekaraga nthî makirîte, makeminjîria mûu ciongorî ciao mekîrîte nguo cia macakaya, na erîtu a Jerusalemu nîmaturumithîtie mothiû mao nthî.

Maca 3:29

Agîrîrwe nî kwînyivia viû, nîûndû avota kûgîa na kîîrîgîrîro.

Ezek 26:16

Athamaki onthe a mavûrûri marîa marî rûtere rwa îria nîmakaauma itîîrî ciao cia ûthamaki. Nao nîmakaaruta nguo ciao irîa ndaca wa vamwe na nguo ciao irîa ng'emie waro. Nîmakaagwatwa nî guoya na nîmagekaraga nthî makinainaga vîndî cionthe mamakîte nîûndû wa maûndû marîa mekîkîte kûrî we.

Danieli 9:3

Nînathiîre kûrî Mwathani Ngai na ngîmûvoya ngîmûthaithaga na nîînyereketie, mbîkîrîte nguo cia macakaya, na ngevaka mûu.

Mika 1:10

Mûtikeere andû a Gathu maûndû mama, mûtikarîre wana vanini, andû a Bethi-leafura îîgaragarieni rûkûngûrî.

Mathaayo 11:21

“Na kaî mue andû a Korazini mûrî na thîna-î, wanamue andû a Bethisaida kaî mûrî na thîna-î! Nîûndû ciama irîa ciaringîîrwe kwenyu ingîaringirwe Turo na Sidoni, andû a kuo nîmangîeririre mevia mao tene. Nao nîmangîekîrire nguo ciao cia macakaya na makeminjîria mûu nîguo moonanie atî nîmerira mevia mao.

Luka 10:13

“Mue andû a îtûûra rîa Korazini! Na kaî mûrî na thîna-î! Wa namue andû a îtûûra rîa Bethisaida! Na kaî mûrî na thîna-î! Nîûndû angîthîrwa ciama îrîa ciaringirwe matûûrarî menyu ciaringirwe matûûrarî ma Turo na Sidoni, andû akuo mangîekarire nthî tene, mageekîra nguo cia macakaya, na makeminjîria mûu nîguo monanie atî nîmeerirîte mevia mao!