Jona 3:5 - ÎVUKU RÎA ÛVORO MWARO

⁵ Andû a Nineve nîmeetîkirie ndûmîrîri ya Ngai îo meerirwe nî Jona. Kwoguo nîmaanîrîre kûgîe na îvinda rîa wînyerekia. Andû onthe nîmeekîrire nguo cia macakaya kuuma ûrîa mûnene nginya ûrîa mûnini.

Jona 3:5 ပူးပေါင်းရင်းမြစ်များ

2Atha 19:1

Rîrîa mûthamaki Hezekia eegwire ûrîa mûnene wa Asîria aaugîte, nîwatembûrire nguo ciake na marûrû, nîwekîrîre nguo ya macakaya na akîthiî hekarûrî ya Ngai-Mûnene.

2Maû 20:3

Jehoshafati nîwamakire na akîvoya Ngai-Mûnene amwonie ûrîa agwîka. Nîwacokire akîanîrîra andû onthe a vûrûri wa Juda menyerekie.

Ezira 8:21

Vakuvî na mûtaro wa manjî wa Ahava nînerire andû onthe twînyerekie na twînyivie mbere ya Ngai wetû na tûvoe. Nîtwavoire Ngai na tûkîmûria atûtongorie na atûgitîre rûgendorî rwetû tûrî vamwe na ciana na indo cietû cionthe.

Esita 4:1

Rîrîa Moridekai aamenyire ûrîa maûndû mau mekariî, nîwatembûrangire nguo ciake, na agîkîra nguo cia macakaya na akîivaka mûu. Nîwaumagarûkire na kûu îtûûrarî akîrîraga na arî na ûrûrû mwîngî.

Ntha 33:6

Kwoguo andû a Isiraeli mauma kîrîmarî Kîam Horebu matiacoka gwîkîra mathaga rîngî.

Jeremia 31:34

Gûtirî mûndû ûgaacoka kûthomithia ûrîa wîngî akîmwîraga atî, ‘Menya Ngai-Mûnene,’ nîûndû andû onthe, anini na anene, nîmakaamenya. Nîngamarekera mavîtia mao na ndikaririkana mevia mao rîngî. Ûguo nîguo Ngai-Mûnene arauga.”

Jeremia 36:9

Mwaka wa gatano wa Jehoiakimu mûvîcî wa Josia, mûthamaki wa Juda, mwerirî wa kenda, andû onthe a Jerusalemu na andû arîa maumîte matûûrarî ma Juda nîmanîrîre mûthenya wa kwînyerekia mbere ya Ngai-Mûnene.

Jeremia 42:1

Atongoria onthe a athigari a mbaara, Johanani mûvîcî wa Karea, na Azaria mûvîcî wa Hoshaia na andû onthe anene na anini,

Jeremia 42:8

Jeremia nîwacokire agîta Johanani mûvîcî wa Karea na atongoria onthe a athigari a mbaara vamwe na andû onthe, anene na anini, na akîmeera atîrî,

Danieli 9:3

Nînathiîre kûrî Mwathani Ngai na ngîmûvoya ngîmûthaithaga na nîînyereketie, mbîkîrîte nguo cia macakaya, na ngevaka mûu.

Joeli 1:14

Rutani watho andû menyerekie; îtani andû magomane vamwe. Ûnganiani andû arîa akûrû na andû arîa matûûraga vûrûrirî mûthiî hekarûrî ya Ngai-Mûnene, Ngai wenyu, na mûrî kûu mûrîrîre Ngai-Mûnene.

Jona 3:7

Nîwacokire akîanîrîra kûrî andû a Nineve akîmeera atîrî, “Ndûmîrîri kuuma kûrî mûthamaki vamwe na anene ake onthe: Nathana atî gûtirî mûndû wa wonthe, nyamû, ng'ombe kana ng'ondu; ikaarîa kana inyue kîndû.

Mathaayo 12:41

“Mûthenya wa îtuîro andû a Nineve nîmakaarûngama na moonanie ûrîa mue andû a rûciaro rûrû mûrî acûku. Vîndî îrîa Jona aamavunjîrie nîmeeririre. Nie nîramwîra atî, ava varî na mûndû mûnene gûkîra Jona.

Luka 11:32

Mûthenya wa îtuîro wakinya, andû a îtûûra rîa Nineve nîmakaarûngama na mathitange andû a rûciaro rûrû nîûndû nîmeeririre vîndî îrîa Jona aamavunjîrie. Nwatî rîu nîramwîra nama atî, ava varî na mûndû mûnene gûkîra Jona.

Ciîko 27:25

Kwoguo athuuri aya ûmîrîriani! Nie nînîvokete Ngai na nîrî na ma atî maûndû monthe nîmagûtuîkîka wata ûguo nîrerirwe.

Ciîko 8:10

Nao andû onthe, anini na anene, nîmaamûthikagîrîria waro na makaugaga atîrî, “Mûndû ûyû nîke vinya wa Ngai ûrîa wîtagwa ‘Vinya Nyîngî.’ ”

Ahib 11:1

Wîtîkio nî kûgîa na ûma wa maûndû marîa twîrîgîrîrîte, na kûmenya atî maûndû marîa tûtavotaga kwona nî ma ma.

Ahib 11:7

Wîtîkio nîguo watûmire Nuhu athikîrîrie Ngai vîndî îrîa aamûkaanirie ûvoro wîgiî maûndû marîa atoonete. Nîwathîkîre Ngai na agîtuma îtarû rîrîa ke na andû ake maatûmîre nîguo mavonokue. Na ûguo Nuhu eekire nîwonanirie atî andû a nthî maarî acûku. Nîûndû Nuhu nîwetîkirie nîwatuirwe Mûthingu nî Ngai.

Kûguû 11:3

Nie nîngaava aira akwa aîrî ûvoti wa kwanîrîra ndûmîrîri yakwa kwa îvinda rîa mîthenya ngiri îmwe na magana maîrî ma mîrongo îtandatû. Nao makeethîrwa mekîrîte nguo cia macakaya.”