Jona 2:6 - ÎVUKU RÎA ÛVORO MWARO

⁶ Nînaanyûrûrûkire nginya nthî ya irîma, nathiîre nginya vûrûrirî ûrîa naavingîrwe nî ivingo ciaguo tene na tene. Nwatî we, Ngai-Mûnene, Ngai wakwa, nîwandutire îrimarî rîu nîrî mwoyo.

Jona 2:6 ပူးပေါင်းရင်းမြစ်များ

Ayubu 33:24

Mûraika ûcio nîamwîgucagîra ntha na akera Ngai atîrî, “Mûvonokie ndakathiî gwa akuû, nîrî na kîndû gîa kûmûkûûra ndakathiî kuo.”

Ayubu 33:28

Nîavonoketie mwoyo wakwa kuuma kûrî gîkuû, na nîngûtûûra mwoyo.”

Thaburi 104:6

Wamîkunîkire na îria ta mûndû ekunîkîrîte na nguo, namo manjî magîkunîkîra irîma.

Thaburi 104:8

Nîmaanyûrûrûkire kuuma irîmarî na makîthiî ciandarî, nîmaathiîre kûrîa wamathondekerete.

Thaburi 116:3

Naarigicîrîtue nî ûgwati wa gîkuû, na ngînyitwa nî kîmako gîa kwa arîa akuû; necûrîtwe nî guoya na kîeva.

Thaburi 143:7

Njokeria narua, we Ngai-Mûnene! Nîrîmûkuû ngoro viû. Ndûkandiganîrie, nîûndû warega kûndethia nîngûthiî kwa arîa akuû.

Thaburi 16:10

nîûndû ndûkaandiganîria nthiî kwa arîa akuû, kana ûtiganîria nie ngwîvokete mborere mbîrîrarî.

Thaburi 18:5

Noovanîtue nî mînyororo ya gîkuû, na ngaigîrwa mîtego ya gîkuû.

Thaburi 30:3

We Ngai-Mûnene, nîûmvonoketie kuuma gwa akuû, nîwanjokerie mwoyo rîngî, nîwandutire gatagatî ka arîa mathiîcaga kwa arîa akuû.

Thaburi 30:9

“Gîkuû gîakwa nî gîkûguna na ndûî? Nathiî mbîrîrarî ûkagunîka na ndûî? Andû arîa akuû nwa magûkumie? Nwa manîrîre ûrîa ûrî mwîvokeku?

Thaburi 55:23

Nwatî, we Ngai, nîûgaikia aûragani acio na veenania mbîrîrarî, matigaakinyia nuthu ya ûtûûro wao. Nwatî nie, ngakwîvokaga we Ngai.

Thaburi 65:6

Nîwavandire irîma varîa irî na vinya waku, na ûkîonania ûvoti waku mûnene.

Thaburi 69:2

nînîravorokera ndakarî ndikîru, kûndû gûtarî na nthî nyûmû, nîrî manjîrî marikîru, na nîrî vakuvî kûûrîra makûmbîrî ma manjî.

Isaia 38:10

Nînaugire atîrî, “Nwanginya ngue vîndî ya wîthî wakwa, Mvangîrîtwe kûthiî kwa arîa akuû mîaka îo îngî ya ûtûûro wakwa.

Isaia 38:17

Naathînîkire ûguo nîûndû wa wagîrîru wakwa, nwatî nîûvonoketie ûtûûro wakwa, kuuma ûgwatirî wa gîkuû, nîûndû nîûnjoverete mevia makwa monthe.

Isaia 40:12

Nû wanathima manjî ma îria na rûvî rwake kana akathima matu na njara ciake? Nû ûngîvota gwîkîra mûthetu wa nthî gîkomberî, kana athime irîma na tûrîma na kîthimi?

Ezek 26:20

Nîngaacoka ngûnyûrûrûkie îrimarî kwa arîa akuû nîguo mûgekarage na andû arîa maatûûraga mwoyo tene. Nîngaatûma ûtûûre kûu kwanangîku tene na tene na mûtûûrage kuo na arîa akuû. Gûtirî andû magaaûka gûtûûra kûrî we rîngî, kana ûgîe na vandû vûrûrirî wa arîa marî mwoyo.

Ezek 31:14

Ûguo wekîkire nîguo gûtikagîe mûtî wana ûrîkû ûrîa ûmerete vakuvî na manjî ûkaaracava na îgûrû ûkinyîra matu. Nîûndû mûthiia wa indo cionthe nî gûkua, wana andû nîmagaakua na mathiî kwa arîa akuû.”

Habakuku 3:10

Irîma ciakwonire igîtetema, gûkîgîa na mwîcûro wa manjî kuuma maturî. Manjî ma îria kûrîa kûriku makîruruma, na magikia makûmbî ma manjî na îgûrû.

Habakuku 3:6

Aarûngamire nthî îkinaina, aaroririe mavûrûri makîthingitha. Irîma cia tene na tene nîcianyaganirue, tûrîma tûrîa tûtûûraga tene na tene nîtwavaraganirue. Kûu nîkuo njîra ciake irî kuuma tene na tene.

Mathaayo 16:18

Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio.

Gûco 32:22

Marakara makwa makanîte ta mwaki, mavîvagia nthî na indo cionthe irîa irî kuo. Mavîvagia nginya kwa arîa akuû, na makathiria mîcingi ya irîma.