Jona 2:2 - ÎVUKU RÎA ÛVORO MWARO

² na akiuga atîrî, “Rîrîa naagiîkaga, nînaagwîtire we Ngai-Mûnene, na nîwandethirie. Rîrîa naarî îvurî rîa arîa akuû, nînetanire na ûkîmbîgua.

Jona 2:2 ပူးပေါင်းရင်းမြစ်များ

2Maû 33:12

Vîndî îrîa aarî mathînarî, nîwavoire Ngai-Mûnene, Ngai wake na akîînyivia mûno mbere ya Ngai wa methe make nîguo amûtethie.

Thaburi 116:3

Naarigicîrîtue nî ûgwati wa gîkuû, na ngînyitwa nî kîmako gîa kwa arîa akuû; necûrîtwe nî guoya na kîeva.

Thaburi 120:1

Rîrîa naarî mathînarî nînakaîre Ngai-Mûnene, nake akîmbîgua.

Thaburi 16:10

nîûndû ndûkaandiganîria nthiî kwa arîa akuû, kana ûtiganîria nie ngwîvokete mborere mbîrîrarî.

Thaburi 22:24

Nîûndû ndatiganagîria athîni kana ariganîrwe nî mînyamaaro yao, ndangîriganîrwa nî o, nwatî nîamatethagia rîrîa mamûvoya amatethie.

Thaburi 34:6

Andû arîa athîni mamwîtaga na nîegucaga; na nîamavonokagia kuuma mathînarî mao monthe.

Thaburi 4:1

Ngai-Mûnene mbîtîkaga rîrîa ngûkûvoya, we, nîwe ûngitagîra! Rîrîa naarî thînarî, we nîwandethirie; mbîguîra ntha na ûthikîrîrie îvoya rîakwa.

Thaburi 61:2

Nîragwîta nîrî mûthiia wa nthî, nîragwîta nthirîte vinya. Ndongoria îthigarî rîa ûgitîri,

Thaburi 65:2

Nîûndû we nîwîgucaga mavoya metû. Andû onthe nîmagaaûka kûrî we,

Thaburi 86:13

Wendo waku ûtathiraga kûrî nie nî mûnene, nîûmvonoketie kuuma ûgwatirî wa gîkuû.

Isaia 14:9

“Kwa arîa akuû nî kwîvarîrîtie gûgûtûnga rîrîa ûkaathiî kuo, maroho ma arîa akuû nîmagaakwamûkîra, na arîa onthe maarî atongoria a nthî, nîmaraûkîra itîîrî ciao cia ûthamaki, arîa onthe maarî athamaki a ndûrîrî.

Maca 3:55

“Nîrî ndaarî ya îrima, nînagûkaîre we Ngai-Mûnene.

Ezek 26:20

Nîngaacoka ngûnyûrûrûkie îrimarî kwa arîa akuû nîguo mûgekarage na andû arîa maatûûraga mwoyo tene. Nîngaatûma ûtûûre kûu kwanangîku tene na tene na mûtûûrage kuo na arîa akuû. Gûtirî andû magaaûka gûtûûra kûrî we rîngî, kana ûgîe na vandû vûrûrirî wa arîa marî mwoyo.

Ezek 31:14

Ûguo wekîkire nîguo gûtikagîe mûtî wana ûrîkû ûrîa ûmerete vakuvî na manjî ûkaaracava na îgûrû ûkinyîra matu. Nîûndû mûthiia wa indo cionthe nî gûkua, wana andû nîmagaakua na mathiî kwa arîa akuû.”

Mathaayo 12:40

Wata ûrîa Jona eekarire ndarî ya nthamaki nene mîthenya îthatû, nwa ta guo Mûrû wa Mûndû ageekara na gûkû nthî kûrîa kûriku mûno mîthenya îthatû.

Luka 11:10

Nîûndû mûndû wa wonthe ûvoyaga nîavecagwa, ûrîa ûcaragia nîwonaga na ûrîa nake ûringaringaga mûrango, nîavingûragîrwa.

Luka 22:44

Jesû arî na ûrûrû mwîngî ngororî yake, nîwavoire na kîo kîîngî mûno. Nayo nthithina yake nîyagwîcaga nthî îkariî ta matata manene ma nthakame.]

Ciîko 2:27

nîûndû we ndûkaandiganîria kwa arîa akuû; we ndûgetîkîra ûrîa waku mwîvokeku oorere mbîrîrarî.

Ahib 5:7

Rîrîa Jesû aatûûraga gûkû nthî, nîwavoyaga na akathaitha Ngai na mûgambo mûnene akîrîraga. Aavoyaga Ngai nîûndû nîke ûngîavotire kûmûvonokia kuuma kûrî gîkuû. Ngai nîwamûthikîrîrie nîûndû wa kwînyivia na kwîrutîra gwake.

1Sam 1:16

Tiga kûmona nie ndungata yaku ta mûndûmûka ûtarî na vata.”

1Sam 30:6

Vîndî îo Daudi aarî na thîna nyîngî, nîûndû andû ake maarî na marûrû meengî mûno nîûndû wa kûûrîrwa nî ciana ciao. Nao nîmeendaga kûriva Daudi na mathiga, nwatî nîweyûmîrîrie nîûndû wa kwîvoka Ngai-Mûnene, Ngai wake.