Jona 1:3 - ÎVUKU RÎA ÛVORO MWARO

³ Jona nîwambîrîre rûgendo, nwatî aanyitire njîra erekerete Tarishishi nîguo aûrîre Ngai-Mûnene. Nîwathiîre nginya Jopa, kûrîa eethîrîrie meri îmwe îrî vakuvî kûthiî Tarishishi. Kwoguo nîwarîvire mbeca cia rûgendo na agîtwa merirî na makîthiî Tarishishi na andû acio engî, nîguo aûrîre Ngai-Mûnene.

Jona 1:3 ပူးပေါင်းရင်းမြစ်များ

Kîam 3:8

Kîvwaî gîakinya, nîmeguire Ngai-Mûnene, Ngai agîcera kûu mûgûndarî, na makîîthitha kûu gatagatîrî ka mîtî nîguo ndakamoone.

Kîam 4:16

Nake Kaini nîwathengutîre Ngai-Mûnene na akîthiî gûtûûra vûrûrirî wetagwa Nodi mwena wa îrathîro wa Edeni.

1Atha 19:3

Elija nîwamakire na akîûra akîthiî Beerisheba, îtûûra rîa Juda nîguo athare mwoyo wake. Kûu nîkuo Elija aatigire ndungata yake,

1Atha 19:9

Arî kûu, nîwatoonyire ngurungarî na akîraara kuo. Wa rîmwe Ngai-Mûnene nîwamumîrîre na akîmûria atîrî, “Elija, ûreka atîa ava?”

2Maû 2:15

Kwoguo, tûtûmîre indo irîa watwîrîre. Indo icio nî: ngano, cairi, ndivei na maguta ma ndamaiyû.

2Maû 2:16

Tûgaagûtemera mîtî îrîa ûkwenda ya mîthithinda kuuma kîrîmarî Kîam Lebanoni na tûmîovanie na tûmikie manjîrî yûke nginya Jopa kûrî we. Nîûgaacoka ûmîvire Jerusalemu.”

2Maû 9:21

Meri cia mûthamaki ciathiîcaga Tarishishi ikîmenyagîrîrwa nî ndungata cia mûthamaki Huramu. Vuva wa mîaka îthatû, meri icio nîciaretaga thaavu, sîlûva, mîguongo, nthinwa, na ngoroi kuuma Tarishishi.

Ezira 3:7

Andû nîmaacokire makîvecana mbeca cia kûrîva mavundi ma mathiga na ma mbaû. Na nîmaaveere andû a matûûra ma Turo na Sidoni irio, gîakûnyua, na maguta ma mîtî ya mîtamaiyû îrîa îciaraga matunda nîguo mamaviragîre mîtî ya mîtarakwe îriarî rîa Jopa kuuma Lebanoni. Mûthamaki Cairasi wa Perisia nîke wamaveete rûtha rwa gwîka maûndû mau.

Ayubu 1:12

Ngai-Mûnene nîwerire Caitani atîrî, “Ûrî na ûvoti wa gwîka wa ûrîa wonthe ûngîenda îgûrû rîa kîrîa kîonthe arî nakîo, nwatî ndûkavutie mwîrî wake.” Kwoguo Caitani nîwaumire varî Ngai-Mûnene na akîîthiîra.

Ayubu 2:7

Kwoguo Caitani nîwaumire varî Ngai-Mûnene, na nîwatûmire mwîrî wonthe wa Ayubu wîcûrwe nî ironda cietûrûraga mavira.

Thaburi 107:23

Andû amwe nîmaathiîrîre îriarî na meri, makîrutaga wîra wa kwendia na kûgûra kûu îriarî.

Isaia 2:16

Nîagaacûkangia meri cia Tarishishi, na acûkangie matarû monthe mathaka.

Isaia 23:1

Îno nîyo ndûmîrîri îgiî Turo. Mue meri cia Tarishishi, rîrani, nîûndû îtûûra rîa Turo nîrîcûkangie. Nyomba ciakuo na kûrîa meri irûngamaga nîkwomomore. Nîmûkaamenyithua ûvoro ûcio mwacoka kuuma Kuporo.

Isaia 23:10

Mue arîa mûtûûraga Tarishishi rîmani mîgûnda yenyu; nîûndû mûtirî na kîndû gîa kûmûrigîrîria rîngî.

Isaia 23:6

Ringani mûthiî Tarishishi! rîrani mue mûtûûraga rûtere rwa îria!

Isaia 60:9

Nî meri ciumîte mavûrûrirî ma kûraca, itongoreretue nî meri cia Tarishishi. Iretete andû aku kuuma kûndû kûraca, marî na sîlûva na thaavu ciao, nîûndû wa rîîtwa rîa Ngai-Mûnene Ngai wenyu, na nîûndû wa Ûrîa Mûtheru wa Isiraeli, nîûndû nîatûmîte mûgîe riiri.

Jeremia 10:9

Mîvuanano yao îgemetue na sîlûva kuuma Tarishishi, na thaavu kuuma Ofiri, îrûthîtwe nî andû marî na wara, wa kûrûtha indo na mbaû na aturi a thaavu, îcokete îgekîrwa itambaa cia rangi wa vururu na wa njambarawe, îtumîtwe nî andû marî na wara.

Ezek 2:8

“Nwatî we mûndû thikîrîria ûrîa ngûkwîra, na ndûgatuîke mûremi ta andû acio. Vingûra kanyua ûrîe kîrîa ngûkûnengera.”

Ezek 27:12

“Andû a Tarishishi naamarutithanagia wîra nawe wa kûgûra na kwendia indo nîûndû warî na ûtonga mwîngî wa mîthemba mîîngî. Nîmaakûrananagia indo ta sîlûva, cuuma cia mîthemba mîîngî na indo ciaku.

Ezek 3:14

Nînacokire ngîambararua nî Roho na akînguua ngîthiî nîrî na ûrûrû na marakara ngororî, na Ngai-Mûnene akîmboca na vinya wake.

Jona 1:10

Jona nîwathiîre na mbere kûmeera atî nîkwa aûrîrîte Ngai-Mûnene. Amenyereri a meri nîmaathiîre na mbere kûmaka mûno na nîmaamwîrire atîrî, “Ûcio nî ûndû mûcûku mûno wîkîte.”

Jona 4:2

Kwoguo nîwavoire atîrî, “Ngai-Mûnene, na kinthî mama tîmo maûndû wa marîa naaugire rîrîa naarî mûciî? Kîu nîkîo gîatûmire mbûrîre Tarishishi, nîûndû nînaicî atî we ûrî Ngai ûrî wendo na ntha, ndûrakaraga na îvenya, ûrî wendo ûtathiraga na nîwîricûkagwa ûkarega kûverithania.

Luka 9:62

Nake Jesû nîwerire mûndû ûcio atîrî, “Mûndû wa wonthe ûroragia na vuva vîndî îrîa ambîrîria kûrîma, tî mwagîrîru Ûthamakirî wa Ngai.”

Ciîko 15:38

Nwatî Paûlo eeciragia tî waro mathiîcanie nake, nîûndû Maariko nîwaregete kûrutithania wîra nao na akîmatiga Pamufilia.

Ciîko 26:19

“Kwoguo mûthamaki Angiripa, ndingîaregire kwathîkîra kîoneki kîu nagîte nakîo kiumîte îgûrû.

Ciîko 9:36

Nakuo îtûûrarî rîa Jopa nîkwarî na mûndûmûka mwîtîkia wetagwa Tabitha. (Rîîtwa rîu rîake na Kîngiriki nî Dorokasi, na nî ta kuga “nthiia.”) Nake nîwamenyerete gwîkaga ciîko mbaro na gûtethagia athîni.

Ciîko 9:38

Na nîûndû kûu Lîda kwarî gûkuvî na Jopa, etîkia arîa maarî Jopa megua atî Petero aarî Lîda nîmaatûmire andû aîrî mathiî mamûthaithe makîmwîraga atîrî, “Wenda tu ûka gwetû narua.”

Ciîko 9:42

Naguo ûndû ûcio nîwamenyekanire Jopa kuonthe na andû eengî magîtîkia Mwathani.

Ciîko 9:43

Nake Petero nîwekarire kûu Jopa mîthenya mîîngî marî na mûndû wathondekaga njûo wetagwa Simoni.

1Akor 9:16

Gûtuîka atî nîmvunjagia ûvoro mwaro tîkuo gûtûmaga nîtîîe, nîûndû ûguo nîguo mbathîtwe mbîke na nîûndû mûcûku mûno nîngîrega kûvunjia Ûvoro mwaro.

2Ath 1:9

Nao nîmakaathînîka nîûndû Ngai nîakaamaverithia tene na tene. Nîmakaaigwa varaca na Mwathani na varaca na riiri wa ûnene wake.

Josh 19:46

Mejarikoni na Rakoni na vûrûri ûrîa warî vakuvî na Jopa.