Jona 1:17 - ÎVUKU RÎA ÛVORO MWARO

¹⁷ Nake Ngai-Mûnene nîwathire nthamaki nene îmerie Jona. Jona nîwekarire îvurî rîa nthamaki îvinda rîa mîthenya îthatû ûtukû na mûthenya.

Jona 1:17 ပူးပေါင်းရင်းမြစ်များ

Kîam 1:21

Kwoguo Ngai nîwaûmbire nyamû irîa nene mûno cia îriarî, nyamû cionthe irîa ciîkaraga manjîrî, na mîthemba yonthe ya iconi. Nake Ngai nîwonire atî ûndû ûcio warî mwaro.

Jona 2:10

Vuva wa ûguo, Ngai-Mûnene nîwacokire akîatha nthamaki îtavîke Jona rûtererî rwa îria, na nîyekire guo.

Jona 4:6

Nake Ngai-Mûnene Ngai, nîwatûmire kamûtî kamere na gakûre kamûkunîkîre na kîruru gîa ko, nîguo kamûthirathirîrie mathîna marîa aarî namo. Jona nîwakenire mûno nî kamûtî kau.

Habakuku 3:2

We Ngai-Mûnene nîmbîguîte ûrîa wîkîte, maûndû marîa wîkîte we Ngai-Mûnene nîmatûmîte nîîtigîre. Îka maûndû mau rîngî îvindarî rîîrî rîetû, tûma mamenyekane îvindarî rîetû, ûnarî na marakara ririkana ntha ciaku.

Mathaayo 12:40

Wata ûrîa Jona eekarire ndarî ya nthamaki nene mîthenya îthatû, nwa ta guo Mûrû wa Mûndû ageekara na gûkû nthî kûrîa kûriku mûno mîthenya îthatû.

Mathaayo 16:4

Na kaî andû a rûciaro rûrû nî aganu na magatura wîtîkio-î! Mue mûrambûria nîmûringîre Kîamma! Gûtirî Kîamma mûkaaringîrwa tiga kîrîa mwaringîrwe nî Jona.” Kwoguo nîwamatigire akînathiî.

Luka 11:30

Nîûndû wata ûrîa Jona aatuîkire kîmenyithia kûrî andû a îtûûra rîa Nineve, ûguo nwaguo Mûrû wa Mûndû agûtuîka kîmenyithia kûrî andû a rûciaro rûrû.