Jona 1:14 - ÎVUKU RÎA ÛVORO MWARO

¹⁴ Kwoguo nîmaarîrîre Ngai-Mûnene makiugaga atîrî, “We Ngai-Mûnene, twakûthaitha ndûgatûthirie nîûndû wa kûûraga mûndû ûyû, na ndûgatûme tûcokererwe nî nthakame îtarî na mavîtia! We Ngai-Mûnene wîkîte ûrîa wonire kwagîrîrîte.”

Jona 1:14 ပူးပေါင်းရင်းမြစ်များ

Kîam 9:6

Mûndû wa wonthe ûkaûraga mûndû ûrîa wîngî, wanake akaûragwa nî mûndû nîûndû Ngai aaûmbire mûndû na mûvano wake.

Thaburi 107:28

Nîmaacokire magîkaîra Ngai-Mûnene marî thînarî, na akîmavonokia kuuma maûndûrî marîa maamagiaga.

Thaburi 115:3

Ngai wetû arî îgûrû; na ekaga ûrîa onaga kwagîrîrîte.

Thaburi 135:6

Ûrîa wonthe Ngai-Mûnene endaga gwîka nîekaga, îgûrû wana nthî, mariarî wana kûrîa kuonthe kûriku mûno.

Isaia 26:16

Ûûi Ngai-Mûnene, rîrîa maarî thînarî, nîmaagûkaîre, rîrîa wamaverithirie, o nîmaakûvoire.

Jona 1:13

Vandû va ûguo, amenyereri a meri nîmaageririe gûtwarithia meri na vinya yao yonthe nîguo mamîvire rûtere rwa îria, nwatî matiavota, nîûndû makûmbî ma îria nwakwa maathiîcaga na mbere kûneneva.

Jona 1:16

Amenyereri acio a meri nîmeetigîre Ngai-Mûnene mûno, na nîmaamûrutîre magongoona na makîmwîrîra na mîvîtwa atî, makaamûtungatagîra.

Jona 1:5

Nao amenyereri a meri nîmaamakire mûno, na wa mûndû akîambîrîria kûrîrîra ngai wake. Nîmaacokire magikia mîrigo îo yarî merirî kûu îriarî nîguo meri îvûthavûthe. Vîndî îo Jona nîwanyûrûrûkîte akathiî kanyombarî ka ndaarî ka meri, na kûu nîkuo aamamîte toro ndito.

Jona 3:8

Andû onthe wana nyamû cia kûrîthua nwanginya ciîkîrwe nguo cia macakaya. Mûndû wa wonthe nwanginya avoe na kinyi kûrî Ngai na atige mîtugo yake mîcûku na ciîko ciake cia waganu.

Mathaayo 11:26

Îni Vava! Ûguo nîguo wendete gûtuîkîke.

Ciîko 28:4

Rîrîa andû arîa maatûûraga kuo moonire njoka îo îîrigicîrîtie njararî ya Paûlo, nîmeeranire atîrî, “Nwanginya mûndû ûyû ethîrwe nî mûûragani. Wana ethîrwa ndanakuîra îriarî, ûma ndûngîmwîtîkîria atûûra mwoyo.”

Aefeso 1:11

Maûndû monthe mekagwa kûringana na mûvango wa Ngai na îtua rîake. Nake Ngai aatûthuurire tûtuîke andû ake tûrî kîndû kîmwe na Kristû nîûndû mûvango ûcio nîguo aatuîte kuuma wa Kîammbîrîria atî nîakaaûvingia.

Aefeso 1:9

nîwatûmenyithirie nthitho ya wendi wake. Ûguo nîguo eendete na nîguo aavangîte nîagwîka na njîra ya Kristû.

Gûco 21:8

We Ngai-Mûnene twakûthaitha wovere andû aku Aisiraeli arîa wakûûrire kuuma Misiri. Twovere na ndûgatue atî nîtue tûragîte mûndû ûtarî na mavîtia.’