Jona 1:12 - ÎVUKU RÎA ÛVORO MWARO

¹² Nake Jona nîwamerire atîrî, “Mbocani mûmbikie îriarî na îria nîrîkûvorera; nîûndû nîmbicî nama atî nînie nîratûma mûthînue nî kîvuvûkanio kînene mûrî gûkû îriarî.”

Jona 1:12 ပူးပေါင်းရင်းမြစ်များ

2Sam 24:17

Daudi oona mûraika ûrîa waûragaga andû, nîwerire Ngai-Mûnene atîrî, “Nînie njîvîtie. Nînie mbîkîte naaî. Gûtirî ûndû andû aya mekîte. Nînie mbagîrîrwe nî kûverithua vamwe na andû a mûciî wakwa.”

1Maû 21:17

Daudi nîwavoire Ngai akiugaga atîrî, “Nînie naathanire andû magatarwe, nînie nevirie. Andû aya matiîkîte ûndû mûcûku maarûmîrîre ûrîa naugire. Ngai-Mûnene, Ngai wakwa nakûthaitha ûmverithie arî nie vamwe na mûciî wa vava, nwatî ndûkaverithie andû aya.”

Ayubu 35:8

Waganu waku ûcûkangagia andû ta we, ûthingu waku ûgunaga mûndû ûrîa wîngî.

Mûvunjia 9:18

Ûûgî nî mwaro gûkîra indo cia mbaara, nwatî mûndû ûmwe mwîvia nwa acûkangie maûndû meengî maro.

Jona 1:11

Vîndî îo yonthe kîvuvûkanio Kîamthiîcaga na mbere kûneneva îriarî. Kwoguo amenyereri a meri nîmaaûririe Jona atîrî, “Nîtûgwîka atîa nîguo îria rîvorere?”

Jona 1:13

Vandû va ûguo, amenyereri a meri nîmaageririe gûtwarithia meri na vinya yao yonthe nîguo mamîvire rûtere rwa îria, nwatî matiavota, nîûndû makûmbî ma îria nwakwa maathiîcaga na mbere kûneneva.

Johana 11:50

Anga mûtiîcî nî kava mûndû ûmwe akuîre andû gûkîra gwîtîkîra rûrîrî ruonthe rûcûkangue.”

Ciîko 27:24

na ambîra atîrî, ‘Tiga kwîgua guoya, Paûlo! We nwanginya ûrûngame mbere ya mûthamaki wa Roma. Ngai nîûndû wa wega wake akaavonokia mîoyo ya andû onthe arîa mûthiîcanîtie nao mûrî merirî.’

Josh 7:12

Kwoguo andû a Isiraeli matingîvota gweterera nditi ya nthû ciao, nwa maûrire nîûndû o nîmetuîte a gûcûkangua. Nie ndingîmûtethia rîngî, nwamwambire gûcûkangia indo icio mûrî nacio irîa mwerirwe mûtigaikuue.