Johana 9:7 - ÎVUKU RÎA ÛVORO MWARO

⁷ na akîmwîra atîrî, “Thiî ûkethambie metho îriarî rîa Siloamu.” (Siloamu nî kuga “Ûrîa mûtûme.”) Kwoguo mûndû ûcio nîwathiîre akîîthambia na agîcoka akîonaga.

Johana 9:7 ပူးပေါင်းရင်းမြစ်များ

Nehemia 3:15

Shalumu mûvîcî wa Kolihoze, ûrîa wathaga vûrûri wa Mizipa nîwatumire rîngî kîvingo gîa kîthima Kîam manjî. Nîwaimbire kîvingo kîu, na agîgîtumîra mûrango na agîkîra irenji na mîkîgo ya kûûvinga. Nîwatumire rûthingo vakuvî na karia ga Shela rûriganîtie na mûgûnda wa mûthamaki. Rûthingo rûu aatumire rwakinyîte ngathîrî îrîa înyûrûrûkaga kuuma îtûûrarî rîrîa rînene rîa Daudi.

Thaburi 146:8

na nîavingûraga ndumumu metho. Nîaûkagîrîria arîa avinyîrîrie, na nîendete arîa athingu.

Ntha 4:11

Nake Ngai-Mûnene nîwerire Musa atîrî, “Nî ûrîkû ûvecaga mûndû ûvoti wa kwaria. Nî ûrîkû ûtûmaga mûndû aremwe nî kwaria na kwîgua. Nî ûrîkû ûtûmaga avote kwona kana atuîka mûtumumu? Anga tî nie, Ngai-Mûnene?

Isaia 32:3

Metho ma arîa monaga matikaavingwa, namo matû ma arîa megucaga nîmakaathikîrîria.

Isaia 35:5

Itumumu nîikaavota kwona, na itaigua nîikaavota kwîgua.

Isaia 42:7

Nîûkaavingûra metho ma itumumu, nîûkaaruta andû arîa ove njeera, na ûrete ûtheri kûrî arîa mekaraga ndumarî.

Isaia 43:8

Ngai arauga atîrî, “Reteni andû acio wana ethîrwa marî na metho, nî ndumumu, acio matiîgucaga, wana ethîrwa marî na matû!

Isaia 8:6

“Andû aya nîmarega manjî ma karûnjî ga Shiloa marîa metîkaga kavora na megua guoya nîûndû wa mûthamaki Rezini na mûthamaki Peka, mûvîcî wa Remalia.

Mathaayo 11:5

Atumumu nîmarona, ithua nîirathiî, andû arîa marwarîte mûrimû wa ngothi nîmaratherua, îtegua nîiregua, arîa akuû nîmarariûkua, nao athîni nîmaravunjîrua Ûvoro Mwaro.

Luka 13:4

Î nao andû arîa îkûmi na anana maakwire vîndî îrîa maagwîrîrwe nî nyomba îrîa yarî ndaca mûno îtûûrarî rîa Siloamu; nîkwa mwîciragia ûguo kwonanirie atî maarî evia gûkîra andû arîa engî onthe maatûûraga îtûûrarî rîa Jerusalemu?

Luka 2:32

Nî ûtheri wa kûguûrîria andû a ndûrîrî wendi waku, na riiri kûrî andû aku a Isiraeli.”

Johana 10:36

Vava nîwanyamûrire na akîndûma gûkû nthî. Kwoguo nîndûî kîratûma muge nînaruma Ngai namwîra, ‘Nie nîrî Mûriû wa Ngai?’

Johana 11:37

Nwatî andû amwe gatagatîrî kao nîmaambîrîrie kûrania atîrî, “Na kinthî mûndû ûyû tîke wavingûrire mûtumumu metho? Nîkwa ke atangîravotire kûgiria Lazaro akue?”

Johana 9:11

Nake nîwamacokerie atîrî, “Mûndû ûrîa wîtagwa Jesû, athondekire ndaka, amvaka metho na ambîra nthiî ngethambie metho îriarî rîa Siloamu. Kwoguo nînthiîre na nethambia nîmvotire kwona.”

Johana 9:39

Nake Jesû nîwaugire atîrî, “Nie naûkire gûkû nthî gûtucanîra ciira, nîguo atumumu mavote kwona na arîa monaga matuîke atumumu.”

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Aroma 8:3

Ûndû ûrîa watho ûtangîavotire gwîka nîûndû wa kwagithua vinya nî mwîrî Ngai nîwawîkire. Eekire ûguo na njîra ya kûrekia Mûrû wake arî na mwîrî wîkariî ta îno yetû ya mevia na arî na mwîrî ûcio nîwavootire mevia.

Agal 4:4

Nwatî rîrîa kavinda karîa kagîrîru gaakinyire, Ngai nîwatûmire Mûriû wake. Aaûkire na njîra ya gûciarwa nî mûndûmûka na agîtûûra arî rungu rwa watho wa Ayahudi,