Johana 9:29 - ÎVUKU RÎA ÛVORO MWARO

²⁹ Tue nîtwîcî atî Ngai nîwarîrie Musa, nwatî tue wana tûtiîcî îtûûra rîrîa mûndû ûcio aumîte!”

Johana 9:29 ပူးပေါင်းရင်းမြစ်များ

1Atha 22:27

Ûmere mamûvingîre njeera na mamûrûmagie tûirio tûnini na manjî, nginya rîrîa ngaacoka nîrî na thayû.”

2Atha 9:11

Rîrîa Jehu aacokire kûrî anene acio engî, anene acio nîmaamûririe atîrî, “Maûndû monthe nî maro? Mûndû ûcio wa ngoma araûkîte kûrî we nîkî?” Nake Jehu nîwamacokerie atîrî, “Mue nîmwîcî mûndû ûcio na nîmwîcî ûrîa aragia.”

Thaburi 103:7

Nîwamenyithirie Musa maûndû marîa aavangîte gwîka, nîwonirie andû a Isiraeli ciîko ciake.

Thaburi 105:26

Nîwacokire agîtûma ndungata yake Musa, na Aroni ûrîa aathuurîte.

Thaburi 106:16

Marî kûu werûrî nîmeguîrîre Musa wîru, na Aroni, ndungata ntheru ya Ngai-Mûnene.

Thaburi 22:6

Nwatî andû monaga mbîkariî ta kîgunyû na tî ta mûndû, nthekagîrîrwa na nganyararwa nî andû onthe!

Malaki 4:4

Ririkanani watho, maathani na kîrîra naveere Musa ndungata yakwa kîrîmarî gîa Sinai.

Ndari 16:28

Musa nîwacokire akîmeera atîrî, “Ûndû ûyû nîguo ûkaamûmenyithia atî nî Ngai-Mûnene wandûmire mbîke maûndû mama monthe, na atî tînie nathuurire kûmeka.

Mathaayo 12:24

Nwatî rîrîa Afarisai meegwire ûguo nîmaaugire atîrî, “Mûndû ûyû arutûrûraga ndaimono na vinya wa Belizebuli mûnene wa ndaimono.”

Mathaayo 26:61

na makiuga atîrî, “Mûndû ûyû aaugire atî nwa avote kwomomora hekarû ya Ngai na amîtume rîngî na mîthenya îthatû.”

Luka 23:2

Nao nîmaambîrîrie kûmûthitanga makiugaga atîrî, “Tue tûranyitire mûndû ûyû akîvîtithia andû a vûrûri wetû. Arameeraga matikarutîre mûthamaki wa Roma mbeca cia gooti na akauga atî ke nîke Mesaya, mûthamaki.”

Johana 1:17

Ngai aavecanire watho na njîra ya Musa, nwatî wega na ûma ciaûkire na njîra ya Jesû Kristû.

Johana 7:27

Nwatî rîrîa Mesaya agaaûka, gûtirî mûndû wana ûmwe ûkaamenya kûrîa ke aumîte. Tuonthe nîtwîcî kûrîa mûndû ûyû aumîte.”

Johana 7:28

Rîrîa Jesû aathomithanagia hekarûrî, nîwanîrîre akiuga atîrî, “Mue nama nîmûmbîcî na mûkamenya kûrîa nyumîte? Nwatî nie tînie nîîtûmîte. Ûrîa wandûmire nî wa ma na mue mûtimwîcî,

Johana 8:14

Nake Jesû nîwamacokerie atîrî, “Wana ethîrwa nîravecana ûira wakwa, ûira ûrîa nîramûva nî wa ma nîûndû nie nîmbîcî kûrîa naaumire na kûrîa nthiîte. Mue mûtiîcî kûrîa naaumire wana kana kûrîa nthiîte.

Johana 9:16

Nao Afarisai amwe nîmaaugire atîrî, “Mûndû ûrîa ûrekire ûguo ndaumîte kûrî Ngai, nîûndû ke ndathîkagîra watho wa thavatû.” Nwatî andû amwe nîmaaûririe atîrî, “Mûndû wîthîrîtwe arî mwîvia aravota atîa kûringa ciama ta ino?” Nao nîmaamûkanire.

Johana 9:24

Na riita rîa kaîrî Ayahudi nîmeetire mûndû ûrîa waciarîtwe arî mûtumumu na makîmwîra atîrî, “Aria ûma mbere ya Ngai! Tue nîtwîcî atî mûndû ûrîa ûraakûvonirie nî mwîvia.”

Johana 9:30

Nake mûndû ûcio nîwamacokerie atîrî, “Na kaî nîmûramakia-î! Mue mûtiîcî kûrîa aumîte nwatî ke nîke ûramvonirie metho!

Ciîko 22:22

Nakîo nîkîambîrîrie kugîrîria atîrî, “Ke nîaûragwe! Ndagîrîrwe nî gûtûûra mwoyo!”

Ciîko 26:22

Nwatî Ngai nîandethetie. Kwoguo nûngamîte ava ûmûnthî ngîrutaga ûira wakwa kûrî andû onthe, anini na anene. Maûndû marîa nîrauga nîmagwîkîka, nwamo arathi na Musa maaugire atî nîmagekîka namo nî:

Ciîko 7:35

“Musa ûcio nwake waregirwe nî andû a Isiraeli rîrîa maamûûririe atîrî, ‘Nû ûgûtuire mûnene wetû na mûtûtuîri ciira?’ Ke nwake watûmirwe nî Ngai arî mûnene na mûkûri wao na njîra ya mûraika ûrîa wamumîrîre kîvîngarî kîrîa gîaakanaga mwaki.

Gûco 34:10

Kuuma vîndî îo, gûtirî kwagîa mûrathi wîngî ta Musa vûrûrirî wa Isiraeli, mûndû maaranagîria na Ngai-Mûnene metho kwa metho.

Ahib 1:1

Tene Ngai nîwaririe mavinda meengî na njîra nyîngî ngûrani kûrî methe metû na njîra ya Arathi.

Ahib 1:2

Nwatî mavinda mama ma mûthiia, Ngai nîatwarîrîtie na njîra ya Mûriû wake. Ngai aaûmbire nthî yonthe na njîra ya Mûriû wake na nîke Ngai athuurîte nîguo mûthiiarî akagaa indo cionthe.