Johana 9:24 - ÎVUKU RÎA ÛVORO MWARO

²⁴ Na riita rîa kaîrî Ayahudi nîmeetire mûndû ûrîa waciarîtwe arî mûtumumu na makîmwîra atîrî, “Aria ûma mbere ya Ngai! Tue nîtwîcî atî mûndû ûrîa ûraakûvonirie nî mwîvia.”

Johana 9:24 ပူးပေါင်းရင်းမြစ်များ

Ezira 10:11

Rîu umbûrani mevia menyu kûrî Ngai-Mûnene, Ngai wa methe menyu ma tene na mûcoke mwîke maûndû marîa mamûkenagia. Îyamûranieni na andû arîa matûûraga vûrûrirî ûyû na mûte aka enyu acio ageni.”

Isaia 66:5

Tathikîrîriani ûrîa Ngai-Mûnene akuuga, mue arîa mwîgucaga mûgambo wake mûkainaina: “Andû enyu arîa mamûthûrîte na mamûnyararîte marauga atîrî nîûndû wakwa, ‘Ngai-Mûnene nîonanie ûnene wake, nîguo tûone mûgîkena.’ Nwatî o ene nîo magaaconoka!

Maariko 15:27

Nîmaacokire makîamba acuunani aîrî vamwe na Jesû, ûmwe mwena wake wa ûrîo na ûcio wîngî mwena wake wa ûmotho. [

Luka 15:2

Nao Afarisai na arimû a Watho nîmaambîrîrie kûnuguna makiugaga atîrî, “Mûndû ûyû nîagwataga evia ûgeni wana nginya akarîcanîra nao!”

Luka 19:7

Nao andû onthe arîa moonire ûguo, nîmaanugunire makiuga atîrî, “Mûndû ûyû athiî mûciî kwa mwîvia gûtuîka mûgeni.”

Luka 7:39

Vîndî îrîa Mûfarisai ûcio wetîrîte Jesû irio oonire ûguo, nîweîrire na ngoro atîrî, “Mûndû ûyû angîrî mûrathi, nîangîramenya mûndûmûka ûyû ûramûvutia nî wa mûthemba ûrîkû, wana rîngî nîangîramenya mûndûmûka ûyû nî mwîvia.”

Johana 14:30

Ndikwaria namue mûno rîngî îvinda îraca, nîûndû mûnene wa gûkû nthî nîaûkîte. Ke ndangîvota kûmbatha,

Johana 16:2

Mue nîmûkaarutûrûrwa mavoerorî. Nako kavinda nîgagaakinya karîa mûndû wa wonthe ûrîa ûkûmûraga ageeciria atî agîka ûguo nî Ngai aratungatîra.

Johana 18:30

Nao nîmaamûcokerie atîrî, “Kethîrwa mûndû ûyû ndarekîte naaî tûtingîakwindîra ke.”

Johana 19:6

Rîrîa anene a athînjîri-Ngai na arangîri a hekarû maamwonire, nîmaambîrîrie kugîrîria atîrî, “Mwambithie mûtharavarî! Mwambithie mûtharavarî!” Nake Pilato nîwamerire atîrî, “Mwoceni na mûthiî mûkamwambe mûtharavarî arî mue nîûndû nie ndirona îvîtia rîrîa mûndû ûyû ekîte.”

Johana 5:23

nîguo andû onthe matîîage Mûriû wata ûrîa matîîaga Îthe. Mûndû wa wonthe ûtatîîaga Mûriû, ndatîîaga Îthe ûrîa wamûtûmire.

Johana 8:46

Nîûrîkû gatagatîrî kenyu ûngîvota kwonania atî nîrî na ûcuke? Angîthîrwa nie mbaragia ûvoro wa ma, mûrarega kûmbîtîkia nîkî?

Johana 8:49

Nake Jesû nîwamacokerie atîrî, “Nie ndirî na ngoma. Nie nîmvecaga Vava gîtîîo, nwatî mue mûtimvecaga gîtîîo.

Johana 9:16

Nao Afarisai amwe nîmaaugire atîrî, “Mûndû ûrîa ûrekire ûguo ndaumîte kûrî Ngai, nîûndû ke ndathîkagîra watho wa thavatû.” Nwatî andû amwe nîmaaûririe atîrî, “Mûndû wîthîrîtwe arî mwîvia aravota atîa kûringa ciama ta ino?” Nao nîmaamûkanire.

Johana 9:25

Nake nîwamacokerie atîrî, “Nie ndiîcî ke nî mwîvia kana tî mwîvia. Nwatî ûrîa mbîcî nî atî: nîrethagîrwa nîrî mûtumumu na rîu nînîrona.”

Aroma 8:3

Ûndû ûrîa watho ûtangîavotire gwîka nîûndû wa kwagithua vinya nî mwîrî Ngai nîwawîkire. Eekire ûguo na njîra ya kûrekia Mûrû wake arî na mwîrî wîkariî ta îno yetû ya mevia na arî na mwîrî ûcio nîwavootire mevia.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Josh 7:19

Joshua nîwacokire akîra Akani atîrî, “Mûvîcîwa, aria ûma mbere ya Ngai-Mûnene, Ngai wa Isiraeli na ûmûve riiri. Mbîra ûrîa wîkîte ûtakûnthitha.”

Kûguû 11:13

Na kavinda wa kau nîkwagîre na kîthingithia kînene. Na gîcunjî kîmwe gîa îkûmi Kîam îtûûra rîu rînene nîkîagwîre, na andû ngiri mûgwanja makîûragwa. Andû arîa maatigarire nîmaagîre na guoya nyîngî na magîkumia ûnene wa Ngai wa îgûrû.