Johana 9:16 - ÎVUKU RÎA ÛVORO MWARO

¹⁶ Nao Afarisai amwe nîmaaugire atîrî, “Mûndû ûrîa ûrekire ûguo ndaumîte kûrî Ngai, nîûndû ke ndathîkagîra watho wa thavatû.” Nwatî andû amwe nîmaaûririe atîrî, “Mûndû wîthîrîtwe arî mwîvia aravota atîa kûringa ciama ta ino?” Nao nîmaamûkanire.

Johana 9:16 ပူးပေါင်းရင်းမြစ်များ

Mathaayo 12:10

kûrîa kwarî na mûndû wonjete njara. Kûu îvoerorî kwarî na andû amwe maatuîragia ûndû ûrîa mangîmûthitanga naguo. Kwoguo nîmaamûririe atîrî, “Watho wetû nîwîtîkîrîtie kûvonania mûthenya wa thavatû?”

Mathaayo 12:2

Nwatî rîrîa Afarisai moonire ûguo, nîmeerire Jesû atîrî, “Taroria! Arutwa aku mareka ûndû ûrîa watho wetû ûtetîkîrîtie gwîkwe mûthenya wa thavatû.”

Luka 13:14

Nake mûnene wa îvoero rîu nîwarakarire nîûndû Jesû nîwavonanirie mûthenya wa thavatû, kwoguo nîwerire andû atîrî, “Twagîrîrwe nî kûruta wîra mîthenya îtandatû; kwoguo ûkagani mîthenyarî îo na mûkavonua, nwatî mûtigaûkage mûthenya wa thavatû!”

Johana 10:19

Nake auga ûguo, Ayahudi nîmaamûkanire rîngî.

Johana 14:11

Namwîra atî nie nîrî ndaarî ya Vava na Vava arî ndaarî yakwa, mbîtîkiani. Ethîrwa tîmwîtîkia nîûndû wa ûguo, îtîkiani nîûndû wa maûndû marîa mbîkîte.

Johana 15:24

Ndangîekire maûndû marîa mataneekwa nî mûndû wîngî gatagatîrî kao, matingîatuirwe evia. Nwatî rîu nîmonete maûndû marîa nekire na nîmamenete na makamena Vava.

Johana 2:11

Jesû aaringire Kîamma gîkî Kîam mbere, arî Kaana ya Galili. Kûu nîkuo oonanirie riiri wake, na arutwa ake makîmwîtîkia.

Johana 3:2

Ûtukû ûmwe Nikodemu nîwathiîre kûrî Jesû na akîmwîra atîrî, “Rabii, tue nîtwîcî atî we wî mwarimû ûtûmîtwe nî Ngai. Gûtirî mûndû wana ûmwe ûngîvota kûringa ciama ta icio ûringaga Ngai atarî vamwe nake.”

Johana 5:10

Kwoguo Ayahudi nîmaamwîrire atîrî, “Ûmûnthî nî mûthenya wa thavatû na watho wetû ndûgwîtîkîrîtie gûkuua kîvarî gîaku.”

Johana 5:36

Nwatî nîrî na ûira ûmbîgiî ûkîrîte wa Johana. Maûndû marîa Vava aambîrire mbîkage nîmo maumbûraga atî Vava nîke wandûmire.

Johana 6:52

Nao andû nîmaarakarire mûno na makîambîrîria kûrania atîrî, “Mûndû ûyû angîtûva mwîrî wake atîa tûrîe?”

Johana 7:12

Nao andû eengî nîmaambîrîrie kwaria na kîvwe ûvoro ûmwîgiî. Andû amwe maaugaga atîrî, “Ke nî mûndû mwaro,” na engî makauga atîrî, “Naarî nîaravîtithia andû.”

Johana 7:23

Ethîrwa mûruithagia kavîcî mûthenya wa thavatû nîguo mûtikaune watho wa Musa, mûrandakarîra nîkî navonia mûndû ûyû mwîrî wonthe mûthenya wa thavatû?

Johana 7:43

Kwoguo andû arîa maarî vo nîmaamûkanire nîûndû wa Jesû.

Johana 9:24

Na riita rîa kaîrî Ayahudi nîmeetire mûndû ûrîa waciarîtwe arî mûtumumu na makîmwîra atîrî, “Aria ûma mbere ya Ngai! Tue nîtwîcî atî mûndû ûrîa ûraakûvonirie nî mwîvia.”

Ciîko 14:4

Nao andû a îtûûra rîu nîmaagaûkanire. Amwe nîmeetîkanirie na Ayahudi, na acio engî magîtîkania na atûmwa.