Johana 8:54 - ÎVUKU RÎA ÛVORO MWARO

⁵⁴ Nake Jesû nîwamacokerie atîrî, “Angîthîrwa nîkwa nîrekumia, gwîkumia kûu nî kwa mana. Ûrîa ûngumagia nî Vava wa ûcio mugaga atî nîke Ngai wenyu.

Johana 8:54 ပူးပေါင်းရင်းမြစ်များ

Nthi 25:27

Kûrîa ûûkî mwîngî mûno tî waro, nîûndû nîta kwenda gûkumua mûno.

Isaia 66:5

Tathikîrîriani ûrîa Ngai-Mûnene akuuga, mue arîa mwîgucaga mûgambo wake mûkainaina: “Andû enyu arîa mamûthûrîte na mamûnyararîte marauga atîrî nîûndû wakwa, ‘Ngai-Mûnene nîonanie ûnene wake, nîguo tûone mûgîkena.’ Nwatî o ene nîo magaaconoka!

Hosea 1:9

Nake Ngai-Mûnene nîwerire Hosea atuîre mwana ûcio rîîtwa “ ‘Tî andû akwa,’ nîûndû mue mûtirî akwa, na nie ndi wenyu.”

Johana 17:1

Jesû arîkia kwaria maûndû mama, nîwaroririe îgûrû na akîvoya atîrî, “Vava îvinda nîrîkinyu. Goocithia Mûrûguo, nîguo nake Mûrûguo akûgoocithie.

Johana 17:5

Vava! Nîrî mbere yaku mva riiri, riiri wata ûrîa naarî naguo mbere ya nthî kûmbwa.

Johana 2:11

Jesû aaringire Kîamma gîkî Kîam mbere, arî Kaana ya Galili. Kûu nîkuo oonanirie riiri wake, na arutwa ake makîmwîtîkia.

Johana 5:41

“Nie ndiracaria ngumo kuuma kûrî andû.

Johana 7:18

Mûndû ûrîa waragia na wathani wake ke mwene, nîgwîkumia ekumagia. Nwatî mûndû ûrîa wendaga ûrîa wamûtûmire akumue nîwîthagîrwa arî mwîvokeku na ndaveenanagia.

Johana 7:39

Nake Jesû akiuga ûguo aaragia ûvoro wîgiî Roho Mûtheru, ûrîa warî avewe arîa maamwîtîkirie. Vîndî îo Roho ndaarî mûvecane nîûndû Jesû ndaarî mûve riiri wake.

Johana 8:41

Mue mûreka ûrîa îthe wenyu eekire.” Nao nîmaamûcokerie atîrî, “Ngai ke mwene nîke Îthe wetû na tue tûrî ciana ciake cia ma.”

Johana 8:50

Nie ndiîkumagia, nwatî kûrî na ûrîa ûngumagia na nîke ûtucanagîra ciira na kîvooto.

Ciîko 3:13

Ngai wa Iburahimu, Isaka na Jakovu na nîke Ngai wa methe metû ma tene, nîke ûvecanîte riiri wake kûrî Jesû ndungata yake. Nwatî mue nîmwanenganîre Jesû kûrî athani na mûkîmûrega mbere ya Pilato, wana ethîrwa Pilato nîwatuîte amûrekererie.

2Akor 10:18

Nîûndû andû arîa metucaga aro tîo Ngai amûkagîra, nwatî amûkagîra arîa ke atûcaga aro.

1Pet 1:12

Ngai nîwaguûrîrie arathi aya atî maûndû marîa maarathaga matiarî ma kûmaguna o ene, nwatî maarî ma kûmûguna mue. Maatuirwe ndungata cia kwanîrîra maûndû marîa rîu mûrîkîtie kwîgua kûvîtûkîra kûrî anjaama arîa maamûvunjîrie Ûvoro Mwaro. Meekire ûguo matethereretue nî Roho Mûtheru ûrîa watûmîtwe kuuma îgûrû. Maûndû mama nîmo nginya araika mendaga kûmenya.

1Pet 1:21

Na njîra ya Kristû nîmwîtîkîtie Ngai ûrîa wariûkirie Kristû na akîmûva riiri. Kwoguo rîu mûtûûraga mwîtîkîtie Ngai na mwigîte mwîrîgîrîro wenyu kûrî ke.

2Pet 1:17

Twarî vo rîrîa aaveerwe gîtîîo na riiri nî Ngai Vava rîrîa mûgambo waumire kûrî ûrîa ûrî Riiri Mûnene ûkiuga atîrî, “Ûyû nîke Mûriû wakwa ûrîa mendete mûno, nîrî mûkenie mûno nîke.”