Johana 8:39 - ÎVUKU RÎA ÛVORO MWARO

³⁹ Nao Ayahudi nîmaamwîrire atîrî, “Îthe wetû nî Iburahimu.” Nake Jesû nîwamerire atîrî, “Angîthîrwa na ma mûrî ciana cia Iburahimu, nîmûngîkaga maûndû ta marîa ke eekire.

Johana 8:39 ပူးပေါင်းရင်းမြစ်များ

Mathaayo 3:9

Mûtigecirie atî mûtikaaverithua mûkîîraga atî Iburahimu nî îthe wenyu wa tene. Nîramwîra ûguo nîûndû Ngai nwa atûme rûciaro rwa Iburahimu rûciarwe kuuma mathigarî mama.

Mathaayo 5:45

nîguo mwonanagie atî mwî ciana cia Îthe wenyu ûrîa ûrî îgûrû. Nîûndû ke nîke ûtûmaga riûa rîake rîarîre andû arîa aro na arîa acûku, na akauria mbura kûrî andû arîa mekaga waro, na arîa mekaga naaî.

Johana 8:33

Nao Ayahudi nîmaamwîrire atîrî, “Tue tûrî njiarwa cia Iburahimu na tûtianatuîka ngombo cia mûndû wana ûrîkû. Ûrenda kuga atîa rîrîa ûrauga atî nîtûgaakûûrwa ûkomborî?”

Johana 8:37

Nie nîmbîcî atî mûrî njiarwa cia Iburahimu. Nwatî mûrenda kûmbûraga nîûndû mûtiîtîkagîra maûndû marîa nthomithanagia.

Johana 8:43

Mûrarega gûtaûkîrwa nî ûrîa nîrauga nîkî? Mûrarega gûtaûkîrwa nîûndû mûtirenda kûthikîrîria ndûmîrîri yakwa.

Johana 8:56

Îthe wenyu Iburahimu nîwakenire agîîciria atî nîakoona îvinda rîrîa ngaaûka. Ke nîwarîonire na agîkena.”

Aroma 4:12

Iburahimu nwake îthe wa arîa onthe aruu. Ke tî îthe wao nîûndû atî nî aruu. Nî îthe wao nîûndû matûûrîte metîkîtie Ngai wata ûrîa îthe wetû Iburahimu atûûraga etîkîtie atarî ararua.

Aroma 4:16

Kwoguo kîîranîro gîûkaga na njîra ya gwîtîkia, nîguo gîtuîke kîveo nîûndû wa wega wa Ngai. Kûrî njiarwa cionthe cia Iburahimu kîîranîro gîkî twa Kîam arîa mathîkagîra Watho tu, nwatî nî Kîam wana arîa onthe metîkîtie ta Iburahimu nîûndû nîke îthe wa kîîroho wetû tuonthe.

Aroma 9:7

Wana tî njiarwa cionthe cia Iburahimu ciana cia Ngai. Ngai erire Iburahimu atîrî, “Nî na njîra ya Isaka ûkaagîa na rûciaro rûrîa nakwîrîre.”

Agal 3:29

Ethîrwa mûrî a Kristû, mûrî a rûciaro rwa Iburahimu na nîmûkagaa kîrîa Ngai eeranîre.

Agal 3:7

Kwoguo nîmwagîrîrwe nî kûmenya atî andû arîa metîkîtie nî ciana cia Iburahimu.