Johana 8:38 - ÎVUKU RÎA ÛVORO MWARO

³⁸ Nie mbaragia maûndû marîa Vava amonetie, nwatî mue mwîkaga maûndû marîa îthe wenyu amwîrîte.”

Johana 8:38 ပူးပေါင်းရင်းမြစ်များ

Mathaayo 3:7

Na rîrîa Johana oonire Afarisai na Asadukai eengî mathiîte kûrî ke nîguo amavatithie, nîwamerire atîrî, “Mue andû aya mûrî na wara ta wa njoka, nû wamûmenyithirie atî ciira ya Ngai îrî vakuvî; nîguo mûmîûrîre.

Johana 14:10

Filipu, ndûretîkia atî nie nîrî ndaarî ya Vava na Vava arî ndaarî yakwa? Nie, tînie nîîrîte ciugo irîa namwîra. Vava ûrîa wîkaraga ndaarî yakwa nîke wîkaga maûndû mama.

Johana 14:24

Mûndû wa wonthe ûtamendete ndathîkagîra ciugo ciakwa. Na ciugo irîa mwegua tî ciakwa, nwatî ciumîte kûrî Vava ûrîa wandûmire.

Johana 17:8

Nie nînaamakinyîrie ndûmîrîri îrîa wamvere, nao makîmîamûkîra. Nîmaicî na ma atî nie naumire kûrî we, na nîmetîkîtie atî we nîwe wandûmire.

Johana 3:32

Arutaga ûira wîgiî maûndû marîa onete na eguîte, nwatî gûtirî mûndû wîtîkagîra ûira wake.

Johana 5:19

Kwoguo Jesû nîwamerire atîrî, “Nîramwîra na ma atî: gûtirî ûndû Mûriû ekaga eîrîte; ekaga wa ûrîa tu onaga Îthe agîka. Na wa ûrîa wonthe Îthe eekaga, wana Mûriû nîwîkaga.

Johana 5:30

“Gûtirî ûndû nîngîka na vinya wakwa. Nducanagîra ciira kûringana na ûrîa Ngai ambîraga mbîke. Kwoguo îtua rîakwa nî rîa kîvooto nîûndû nie ndirageria kûvingia wendi wakwa, nwatî nîrageria kûvingia wendi wa ûrîa wandûmire.

Johana 8:26

Nîrî na maûndû meengî nîngiuga mamwîgiî na ma kûmûtuîra ciira. Nwatî ûrîa wandûmire nîmwîvokeku na nie mvecaga andû tu ûvoro ûrîa mbîguîte kuuma kûrî ke.”

Johana 8:41

Mue mûreka ûrîa îthe wenyu eekire.” Nao nîmaamûcokerie atîrî, “Ngai ke mwene nîke Îthe wetû na tue tûrî ciana ciake cia ma.”

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.