Johana 8:36 - ÎVUKU RÎA ÛVORO MWARO

³⁶ Kwoguo Mûriû angîmûruta ûkomborî, nîakûmûruta viû.

Johana 8:36 ပူးပေါင်းရင်းမြစ်များ

Thaburi 119:133

Ndirîrîra ndikagwe wata ûrîa waranîre, na ndûkareke mbathwa nî ûndû wa wonthe mûcûku.

Thaburi 119:32

Ngaarûmagîrîra ûrîa maathani maku maugîte, nîûndû nîûmvecaga ûtaûku mwîngî.

Thaburi 19:13

Mvonokia wana kuuma kûrî mevia marîa mbîkaga ngîmenyaga, ndûgatûme mevia mau mandongorie. Ngaacoka gûtuîka mûndû mwagîrîru, na ndikethîrwa nîrî na mavîtia ma wîvia mûnene.

Isaia 61:1

Roho wa Mwathani Ngai-Mûnene ûrî nanie, nîûndû ke nîanthuurîte na akambîtîrîria maguta, nîguo mvirîre arîa akinyîrîrie Ûvoro Mwaro, ngaûmîrîrie arîa makuîte ngoro, nganîrîre kûrî arîa anyite atî nîmarekererua, nao arîa movetwe njeera nîmamenyithie atî nîmovorwa.

Luka 4:18

“Roho wa Ngai ûrî vamwe nanie, nîûndû nîamvakîte maguta, nîguo ngavunjîrie andû arîa athîni Ûvoro Mwaro. Nîandûmîte nthiî nganîrîre atî andû arîa moveetwe nî makûrekererua, atumumu nîmagûcoka kwona, na njoke manîrîre atî andû arîa mavinyîrîrîtue nîmagûtethûrwa,

Aroma 8:2

Nîûndû watho wa Roho ûrîa ûtûmaga tûtûûre tûrî ndaarî ya Jesû Kristû nîmûnjovoru kuuma kûrî watho wa mevia na gîkuû.

1Akor 7:22

Arîa maarî ngombo vîndî îrîa Mwathani aametire, rîu nîarekererie nîûndû wa Mwathani. Nao arîa maarî arekererie vîndî îrîa meetirwe, rîu o nî ngombo cia Kristû.

2Akor 3:17

Na rîu Mwathani nîke Roho, na varîa Roho wa Mwathani ûrî, vethagîrwa varî na wîyathi.

Agal 5:1

Tue tûrî na wîyathi rîu nîûndû Kristû nîwatûrutire ûkomborî! Kwoguo îkaragani ta andû marî na wîyathi na mûtigetîkîre gûcoka ûkomborî rîngî.