Johana 8:21 - ÎVUKU RÎA ÛVORO MWARO

²¹ Wana rîngî Jesû nîwamerire atîrî, “Nie nîngûthiî namue mûkaanjaria, nwatî nîmûgaakua nî mevia menyu. Mue mûtingîvota kûthiî kûrîa ngûthiî.”

Johana 8:21 ပူးပေါင်းရင်းမြစ်များ

1Atha 18:10

Nînîvîta na Ngai-Mûnene, Ngai waku ûrîa ûtûûraga mwoyo, atî mûthamaki nîaugîte ûcarue mavûrûrirî monthe nthî ng'ima. Rîrîa mûthamaki wa vûrûri mûna auga atî ndûrî vûrûrirî wake, Ahabu nîwendaga mûthamaki ûcio evîte atî ndûrî vûrûrirî ûcio.

Ayubu 20:11

Mavîndî make mecûrîte vinya wa wîthî nwatî wonthe ûkamama vamwe nake rûkûngûrî.

Nthi 11:7

Rîrîa mûndû mwaganu akua, kîîrîgîrîro gîake nîkîthiraga, na mwîvoko wa ûtonga ûtuîkaga wa mana.

Nthi 14:32

Andû arîa aganu macûkangagua nî ciîko ciao njûku, nwatî andû arîa athingu magitagîrwa nî wîvokeku wao.

Isaia 65:20

Gûtikaagîa ciana igûkua irî ngenge rîngî, nao andû arîa akûrû matigaakua matakinyîtie kavinda kao. Mûndû angîkua akinyîtie ûkûrû wa mîaka îgana akoonagwa arî wa mwîthî, na angîkua atakinyîtie ûkûrû wa mîaka îgana akoonagwa arî mûrume.

Mathaayo 23:39

Nie nîramwîra nama atî mue mûtikaamona nginyagia rîrîa mûkaauga atîrî, ‘Ngai arorathima ûrîa ûûkîte na rîîtwa rîa Mwathani.’”

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Mathaayo 25:46

Nao andû acio nîmakaathiî kûrîa makaaverithua tene na tene. Nao andû arîa athingu nîmakaathiî mwoyorî wa tene na tene.”

Johana 12:33

(Jesû akiuga ûguo eendaga kwonania njîra îrîa aarî akue nayo.)

Johana 12:35

Nake Jesû nîwamerire atîrî, “Ûtheri nîwîthîrwa ûrî gatagatîrî kenyu kavinda kanini. Thiîni rîrîa kûrî na ûtheri nîguo mûtikethîrîrue nî nduma, nîûndû mûndû ûrîa ûthiîcaga kûrî na nduma ndamenyaga kûrîa arathiî.

Johana 13:33

Ciana ciakwa, nîmbîthîrwa nîrî namue îvinda rînini. Mue mûkaanjaria; nwatî nîramwîra wata ûrîa nerire Ayahudi atî, ‘Kûrîa ngûthiî tîmûvota gûka.’

Johana 7:34

Mue nîmûkaanjaria na mûtikaamona nîûndû mûtikaavota kûthiî kûrîa nie ngeethîrwa nîrî.”

Johana 7:36

Ke arauga nîtûkaamûcaria na tûtikaamwona na atî tûtingîvota kûthiî kûrîa ke akeethîrwa arî. Akiuga ûguo-rî, arenda gûtwîra atîa?”

Johana 8:24

Na nîkîo namwîra atî mwona mwathiî na mbere na kwîvia, mûgaakua. Na mûgaakua mûrî wana mevia menyu angîthîrwa mûtigwîtîkia atî ‘Nie Nînie Nie’ ”

Aefeso 2:1

Mue mwarî akuû kîîroho nîûndû wa ûremi na mevia menyu.