Johana 8:16 - ÎVUKU RÎA ÛVORO MWARO

¹⁶ Nwatî wana ningîtucanîra ciira îtua rîakwa rîngîthîrwa rîrî rîa ma, nîûndû nditucanagîra ciira nîrî nienga. Nwatî twîthagîrwa tûrî na Vava ûrîa wandûmire.

Johana 8:16 ပူးပေါင်းရင်းမြစ်များ

Thaburi 98:9

mûrî mbere ya Ngai-Mûnene, nîûndû nîaûkîte gûtuîra nthî ciira. Ke agaatuîra andû na waragania na kîvooto.

Thaburi 99:4

We mûthamaki mwene Vinya Wonthe, mwendi ûthingu; Nîwonanîtie kîvooto Isiraeli; nîwonanîtie ûthingu na waragania.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Johana 16:32

Kavinda nîgagûkinya, na rîu nîgakinyu, kavinda karîa muonthe mûkaanyagarûkana wa mûndû enûke gwake mûciî na mûndige nîrî nienga. Nwatî ndirî nienga nîûndû Vava arî vamwe nanie.

Johana 8:29

Nake ûrîa wandûmire arî vamwe nanie. Ke tîmûndigu nîrî nienga nîûndû vîndî cionthe mbîkaga maûndû marîa mamûkenagia.”

Ciîko 17:31

nîûndû nîatuîte mûthenya ûrîa agaatuîra andû onthe a nthî arî na kîvooto. Ke ageeka ûguo na njîra ya mûndû ûrîa athuurîte, na nîwonetie andû onthe atî ûvoro ûcio nî wa ma na njîra ya kûriûkia mûndû ûcio!”

Kûguû 19:11

Nînacokire ngîona îgûrû rîvingûkîte na kûrî na mbarathi ya rangi njerû. Ûrîa wathiîte amîkarîrîte etagwa Mwîvokeku na wa Ma. Na ûrîa atucanagîra ciira na akarûa mbaara na njîra ya kîvooto.

1Sam 16:7

Nwatî Ngai-Mûnene nîwerire Samueli atîrî, “Tiga kûroria ûrîa aracavîte kana ûrîa arî mûthaka. Nie nînîmûregete, nîûndû ndiroragia ta ûrîa andû maroragia. Andû maroragia ûrîa mûndû ethagîrwa ekariî akîonwa na metho, nwatî nie ndoragia ngoro ndaarî.”