Johana 8:12 - ÎVUKU RÎA ÛVORO MWARO

¹² Jesû nîwarîrie Afarisai rîngî akîmeera atîrî, “Nie nînie ûtheri wa nthî. Mûndû wa wonthe ûnûmagîrîra nîakûgîa na ûtheri wa mwoyo na ndakaathiîcagîrîra ndumarî.”

Johana 8:12 ပူးပေါင်းရင်းမြစ်များ

Ayubu 33:28

Nîavonoketie mwoyo wakwa kuuma kûrî gîkuû, na nîngûtûûra mwoyo.”

Thaburi 18:28

We Ngai-Mûnene, nîûmbakanagîria taa, na ûkanthengutîria nduma.

Thaburi 49:19

akaathiî kûrîa methe make maathiîre makua, kûrîa matakoona ûtheri rîngî tene na tene.

Thaburi 97:11

Ûtheri ûtheragîra mûndû ûrîa mûthingu, na nîûretage gîkeno kûrî arîa atheru ngoro.

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 50:10

Nû gatagatîrî kenyu wîtigîrîte Ngai-Mûnene na wathîkagîra mûgambo wa ndungata yake, wana ethîrwa athiîcagîrîra ndumarî atarî na ûtheri, nîevokete Ngai-Mûnene na nîevokaga Ngai wake.

Isaia 9:2

Andû arîa maatwîre mathiîcagîrîra ndumarî nîmonete ûtheri mûnene. Andû arîa maatûûraga vûrûrirî wa nduma ndumanu, rîu nîmarîrîtwe nî ûtheri.

Hosea 6:3

Tigani twîrutanîrie kûmenya Ngai-Mûnene kumagara gwake nî gwa kwîvokwa. Wata ûrîa gûka gwa kîraûko kûrî gwa kwîvokeka, ke agaûka kûrî tue ta karûnyunyuû, aûke ta mbura ya kîvovoto.

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Mathaayo 5:14

“Mue mwîkariî ta ûtheri kûrî andû onthe a nthî. Îtûûra rîrîa rîtumîtwe kîrîmarî îgûrû rîtingîthithîka.

Luka 2:32

Nî ûtheri wa kûguûrîria andû a ndûrîrî wendi waku, na riiri kûrî andû aku a Isiraeli.”

Johana 12:35

Nake Jesû nîwamerire atîrî, “Ûtheri nîwîthîrwa ûrî gatagatîrî kenyu kavinda kanini. Thiîni rîrîa kûrî na ûtheri nîguo mûtikethîrîrue nî nduma, nîûndû mûndû ûrîa ûthiîcaga kûrî na nduma ndamenyaga kûrîa arathiî.

Johana 12:36

Îtîkiani ûtheri vîndî îrîa mûrî naguo, nîguo mûtuîke andû a ûtheri.” Nake Jesû aarîkia kuga ûguo, nîwamatigire na akîmethitha.

Johana 12:46

Nie mbûkîte ta ûtheri gûkû nthî nîguo andû onthe arîa mambîtîkagia matigekare ndumarî.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 3:19

Andû matucagîrwa na njîra îno: ûtheri nîûrîkîtie gûka nthî, nwatî andû nîmendete nduma gûkîra ûrîa mendete ûtheri nîûndû ciîko ciao nî njûku.

Johana 7:17

Mûndû wa wonthe wendaga kûvingia wendi wa Ngai nîamenyaga kana maûndû marîa nthomithanagia maumîte kûrî Ngai, kana mbaaragia na wathani wakwa.

Johana 9:5

Îvinda rîrîa ngwîthîrwa nîrî gûkû nthî, nîmbîthîrwa nîrî ûtheri wa nthî.”

Ciîko 13:47

Nîûndû ûguo nîguo Mwathani aatwathire twîkage vîndî îrîa ke aaugire atîrî: ‘Nie nînagûtua ûtheri kûrî andû a ndûrîrî, nîguo wonie andû onthe a gûkû nthî ûrîa makûvonoka.’ ”

Ciîko 26:23

atî Mesaya nwanginya akaathînua na atuîke wa mbere kûriûka; ke nîke ûkaanîrîra kûrî Ayahudi na andû a ndûrîrî ûtheri ûrîa ûvonokanagia.”

2Pet 2:17

Arimû acio a maveeni mekariî ta ithima ino mvûîu manjî, kana ta matu marîa matindîkagwa nî rûkûngi. Ngai nîamaigîrîte vandû ndumarî îrîa nene.

2Pet 2:4

Ngai ndeeguîra araika arîa meevirie ntha, nwatî nîwamaikirie îcuarî kûrîa maigîtwe ndumarî movetwe na mînyororo metererete mûthenya wa îtuîro.

1Joh 1:6

Tûngiuga atî tue tûrî na ngwatanîro nake na vîndî wa îo twîthîrwe tûthiîcagîra ndumarî nîtûraveenania na njîra ya ciugo na ciîko cietû.

Juda 1:13

Mekariî ta makûmbî ma manjî îriarî, na ciîko ciao cia ûûra nthoni ciîyumagîria ta mûvûû. Mekariî ta njata irîa ciûrûraga kûndû na kûndû. Nake Ngai nîamaigîrîte kûndû kûrî na nduma nene mûno tene na tene.

Juda 1:6

Taririkanani araika arîa maaregire wathani ûrîa maavetwe, nwatî magîtiganîria ciîkaro ciao. O maigîtwe ndumarî, movetwe na mînyororo tene na tene, nîguo Ngai akaamatuîra Mûthenya ûcio mûnene.

Kûguû 21:24

Nao andû a mavûrûri monthe makaathiîcaga mamûrîkîrîtwe nî ûtheri ûcio, na athamaki onthe a nthî nîmakaaretaga ûtonga wao îtûûrarî rîu înene.