Johana 7:52 - ÎVUKU RÎA ÛVORO MWARO

⁵² Nao nîmaamûcokerie atîrî, “Anga wa nawe wî wa kuuma îtûûrarî rîa Galili? Tuîria waro Mandîkorî Matheru wone atî gûtirî mûrathi ûkaauma îtûûrarî rîa Galili.”

Johana 7:52 ပူးပေါင်းရင်းမြစ်များ

Kîam 19:9

Nwatî arûme acio nîmaaugire atîrî, “Twererekere, we ûrî mûgeni gûkû! We ûrî û wa gûtwîra ûrîa tûgwîka? Twererekere kana tûgwîke naaî kûmakîra.” Nao nîmaatindîkire Loti na vuva na makîîvarîria gûtua mûrango.

1Atha 22:24

Mûrathi Zedekia, mûvîcî wa Kenaana nîwacokire akîthiî kûrî Mikaia, akîmûcamûra rûvî ûthiû na akîmûria atîrî, “Roho wa Ngai-Mûnene anandiganîria na agîûka kwaria nawe?”

Ntha 2:14

Nake mûndû ûcio nîwamûcokerie atîrî, “Nî ûrîkû wagûtwire wa gûtwathaga na gûtûtucagîra? Ûrenda kûmbûraga ta ûrîa ûraûragire Mûmisiri?” Musa nîwetigîrire na akîîra na ngoro atîrî, “Andû nîamenyu ûrîa mbîkîte.”

Johana 1:46

Nake Nathanieli nîwaûririe Filipu atîrî, “Kûrî kîndû Kîamro kîngiuma îtûûrarî rîa Nazarethi?” Nake Filipu nîwamûcokerie atîrî, “Ûka ûkone.”

Johana 5:39

Mue mûthomaga Mandîko Matheru nîûndû mwîciragia atî mwamathoma nîmûkûgîa na mwoyo wa tene na tene. Mandîko Matheru maragia ûvoro ûmbîgiî.

Johana 7:41

Nao andû amwe nîmaaugire atîrî, “Ke nîke Mesaya!” Nwatî andû engî nîmaaugire atîrî, “Anga Mesaya akaauma îtûûrarî rîa Galili?

Johana 7:53

Nao onthe nîmeenûkire wa mûndû gwake mûciî.

Johana 9:34

Nao nîmaamûcokerie atîrî, “Ûngîvota atîa gûtûthomithia na we ûrî mwîvia kuuma rîrîa waciarirwe?” Nao nîmaamwîngatire kuuma kûu îvoerorî.