Johana 7:42 - ÎVUKU RÎA ÛVORO MWARO

⁴² Na kinthî mandîko matheru matiugîte atî Mesaya akeethîrwa arî wa mbarî ya Mûthamaki Daudi, na atî ke agaaciarîrwa îtûûrarî rîa Bethilehemu kûrîa Daudi aatûûraga?”

Johana 7:42 ပူးပေါင်းရင်းမြစ်များ

1Maû 2:51

Salima nîke warî îthe wa Bethilehemu na Harefu îthe wa Bethigaderi.

Thaburi 132:11

Ngai-Mûnene nîwerîre Daudi na mwîvîtwa, kîîranîro kîrîa atakericûkwa atî: “Nîngaatua ûmwe wa anake aku mûthamaki, na nîakaathana vuva waku.

Thaburi 89:4

‘vîndî cionthe ngaathuuraga mûndû kuuma njiarwarî ciaku arî mûthamaki, na nîngaatûma ûthamaki waku ûtûûre tene na tene.’ ”

Isaia 11:1

Nîgûkaaumîra mûthamaki kuuma njiarwarî cia Jesii, ta ûrîa rûvûa rûkûraga kuuma mûtîrî.

Jeremia 23:5

“Taroria, îvinda nîrîgakinya, rîrîa ngaathuura mûndû mûthingu wa rûciaro rwa Daudi atuîke mûthamaki, nake nîakaathana ecûrîtwe nî ûûgî. Nîakoonania kîvooto na waragania vûrûrirî wonthe.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Mathaayo 1:1

Ûyû nîguo mûtaratara wa methe ma tene ma Jesû Kristû wa mbarî ya Daudi, ûrîa warî wa mbarî ya Iburahimu.

Mathaayo 2:5

Nao nîmaamûcokerie atîrî, “Agaaciarîrwa îtûûrarî rîa Bethilehemu vûrûrirî wa Judea. Nîûndû mûrathi aandîkire akiuga atîrî:

Mathaayo 2:6

‘We Bethilehemu vûrûrirî wa Juda, We tîwe mûnini mûno gatagatîrî ka matûûra ma Juda, nîûndû mûtongoria nî akauma kûrî we, ûrîa ûkaarîthia andû akwa a Isiraeli.’ ”

Luka 2:11

nîûndû ûtukû wa ûmûnthî îtûûrarî rîa Daudi nîmûciarîrîtwe mûvonokia na nîke Kristû Mwathani.

Luka 2:4

Josefu nîwaumire îtûûrarî rîa Nazarethi vûrûrirî wa Galili na akîthiî îtûûrarî rîa Bethilehemu vûrûrirî wa Judea, kûrîa mûthamaki Daudi aaciarîrwe. Josefu aathire kûu nîûndû aarî wa nyomba na wa mbarî ya Daudi.

Johana 7:27

Nwatî rîrîa Mesaya agaaûka, gûtirî mûndû wana ûmwe ûkaamenya kûrîa ke aumîte. Tuonthe nîtwîcî kûrîa mûndû ûyû aumîte.”

1Sam 16:1

Nake Ngai-Mûnene nîwaûririe Samueli atîrî, “Nîûtûûra ûrîragîra Saûlo nginya rî? Nie nînîmûregete athiî na mbere arî mûthamaki wa Isiraeli. Îcûria mûcuva waku maguta ma mîtamaiyû îrîa îciaraga matunda na ûthiî Bethilehemu kwa mûndû wîtagwa Jesii, nîûndû nie nî nthuurîte ûmwe wa anake ake atuîke mûthamaki.”

1Sam 16:18

Ûmwe wa ndungata ciake nîwaugire atîrî, “Jesii ûrîa wa îtûûra rîa Bethilehemu arî na mûvîcî wicî kûthaka waro. Ke nî mûndû mûmîrîru na mûthaka, na nî mûthigari mwaro na nî mwaria waro, na Ngai-Mûnene arî vamwe nake.”

1Sam 16:4

Nake Samueli nîwekire ûrîa Ngai-Mûnene aamwathire na akîthiî Bethilehemu. Atongoria a îtûûra rîu nîmaaûkire kûmûtûnga makinainaga na makîmûria atîrî, “Waûka wî na thayû?”

1Sam 17:58

Nake Saûlo nîwaûririe Daudi atîrî, “Mwanake ûyû, aguo nû?” Nake Daudi nîwamûcokerie atîrî, “Nie nîrî mûvîcî wa ndungata yaku Jesii ya kuuma Jerusalemu.”