Johana 7:39 - ÎVUKU RÎA ÛVORO MWARO

³⁹ Nake Jesû akiuga ûguo aaragia ûvoro wîgiî Roho Mûtheru, ûrîa warî avewe arîa maamwîtîkirie. Vîndî îo Roho ndaarî mûvecane nîûndû Jesû ndaarî mûve riiri wake.

Johana 7:39 ပူးပေါင်းရင်းမြစ်များ

Thaburi 68:18

Nîaunûkia îgûrû rîa kîrîma arî na mîgwate mîîngî; nîakwamûkîra iveo kuuma kûrî andû arîa maareganire nake, Ngai-Mûnene, Ngai agaatûûra kûu.

Nthi 1:23

Tathikîrîriani ngîmûkaania. Nîngaamûmenyithia meciria makwa, na nîngaamwîcûria ûûgî wakwa.

Isaia 12:3

Nîûgaatava manjî ûkenete, kuuma ithimarî cia ûvonokio.”

Isaia 32:15

Gûkaathiî na mbere gwîkara ûguo nginya rîrîa tûkaanyûrûrûkîrua Roho kuuma îgûrû. Vîndî îo werû nîûgaatuîka mûgûnda umaga maciaro, nayo mîgûnda îrîa mînoru îtuîke mûtitû.

Isaia 44:3

“Nîûndû nîngetîrîria manjî vûrûrirî ûrîa mûnyondu, na mbîkîre nyûnjî vûrûrirî ûrîa mûmû. Nîngetîrîria njiarwa ciaku Roho wakwa, na mbîtîrîrie ciana ciaku irathimo ciakwa.

Joeli 2:28

“Vuvarî, nîngetîrîria andû onthe Roho wakwa, andû enyu, anake na erîtu nîmakaanîrîra, andû enyu arîa akûrû nîmakaarota iroto, nao anake enyu nîmakoona cioneki.

Mathaayo 16:14

Nao nîmaamûcokerie atîrî, “Andû amwe maugaga atî nî Johana Mûvatithania, engî makauga nî Elija, nao engî makauga atî nî Jeremia kana ûmwe wa arathi.”

Mathaayo 21:11

Nakîo kîrîndî nîgîacokirie atîrî, “Ûyû nîke Jesû ûrîa mûrathi, kuuma îtûûrarî rîa Nazarethi, rîrîa rîrî Galili.”

Luka 24:49

Nie nînie ngaamûtûmîra kîrîa Ngai Vava aamwîrîîre. Nwatî nwa nginya mwîkare gûkû îtûûrarî rîa Jerusalemu mwetererete nginya rîrîa mûkaagîa na vinya wa Ngai kuuma îgûrû.”

Luka 3:16

Nwatî Johana nîwerire andû onthe atîrî, “Nie nîmûvatithagia na manjî, nwatî ûrîa mûnene kûngîra nîaûkîte. Na nie ndirî mwagîrîru wa kwovora ndigi cia iratû ciake. Ke akaamûvatithagia na Roho Mûtheru na mwaki.

Luka 7:16

Nao andû onthe arîa maarî vo nîmecûrirwe nî guoya na magîkumia Ngai makiugaga atîrî, “Tue tûrî aumîrîre nî Mûrathi mûnene, na Ngai nîaûkîte kûvonokia andû ake.”

Johana 1:21

Nao nîmaamûririe atîrî, “We wî û vi? We wî Elija?” Nake Johana nîwamacokerie atîrî, “Naarî, nie tînie ke.” Nao nîmaamûririe atîrî, “We nîwe Mûrathi?” Nake Johana nîwamacokerie atîrî, “Naarî.”

Johana 1:25

nîmaacokire makîûria Johana atîrî, “Angîthîrwa we tîwe Mesaya, kana Elija, kana Mûrathi, ûvatithanagia nîkî?”

Johana 1:33

Nie mwene ndiamwîcî, nwatî Ngai ûrîa wandûmire ngavatithanie na manjî, nîwambîrire atîrî, ‘We nîûkoona Roho akînyûrûrûka na agîkara îgûrû rîa mûndû; Ke nîke ûvatithanagia na Roho Mûtheru.’

Johana 12:16

Nao arutwa ake matiataûkîrwa nî maûndû vîndî îo, nwatî rîrîa Jesû aarîkirie kûgîa na riiri nîmaaririkanire atî mandîko matheru nîmaugîte nîagekwa maûndû mama.

Johana 12:23

Nake Jesû nîwamerire atîrî, “Îvinda nîrîkinyu Mûrû wa Mûndû avewe riiri.

Johana 14:13

Ûndû wa wonthe ûrîa mûkavoyaga na rîîtwa rîakwa ngawîkaga, nîguo Vava akumague na njîra ya Mûriû.

Johana 14:26

Nwatî Mûtethia, na nîke Roho Mûtheru, ûrîa Vava agaatûma na rîîtwa rîakwa, nîakaamûthomithia maûndû monthe na amûvotithie kûririkana ûrîa wonthe namwîra.

Johana 16:14

Ke nîakaangoocithia, nîûndû nîagooca maûndû marîa mbarîtie na amwîre mo.

Johana 16:7

Nwatî nîramwîra na ma atî: nie nathiî nîmûkûgîa umithio nîûndû nîngîrega kûthiî mûtigaatûmîrwa Mûtethia. Nwatî nathiî nîngaamûtûma kûrî mue.

Johana 17:1

Jesû arîkia kwaria maûndû mama, nîwaroririe îgûrû na akîvoya atîrî, “Vava îvinda nîrîkinyu. Goocithia Mûrûguo, nîguo nake Mûrûguo akûgoocithie.

Johana 17:5

Vava! Nîrî mbere yaku mva riiri, riiri wata ûrîa naarî naguo mbere ya nthî kûmbwa.

Johana 20:22

Nake nîwacokire akîmaveverera mîvevû na akîmeera atîrî, “Amûkîrani Roho Mûtheru.

Johana 6:14

Rîrîa andû arîa maarî vo moonire Kîamma kîrîa Jesû aaringire, nîmaaugire atîrî, “Na ma ûyû nîke Mûrathi ûrîa warî aûke gûkû nthî!”

Johana 7:12

Nao andû eengî nîmaambîrîrie kwaria na kîvwe ûvoro ûmwîgiî. Andû amwe maaugaga atîrî, “Ke nî mûndû mwaro,” na engî makauga atîrî, “Naarî nîaravîtithia andû.”

Johana 8:54

Nake Jesû nîwamacokerie atîrî, “Angîthîrwa nîkwa nîrekumia, gwîkumia kûu nî kwa mana. Ûrîa ûngumagia nî Vava wa ûcio mugaga atî nîke Ngai wenyu.

Ciîko 19:2

na akîmaûria atîrî, “Mue nîmwamûkîre Roho Mûtheru vîndî îrîa mwatuîkire etîkia?” Nao nîmaamûcokerie atîrî, “Tue wana tûtianegua atî kûrî Roho Mûtheru.”

Ciîko 2:17

‘Ngai augîte atî: Mîthenyarî ya mûthiia, nie nîngetîrîria andû onthe Roho wakwa. Ariû na aarî enyu nîmakaanîrîra ndûmîrîri yakwa kûrî andû; anake enyu na erîtu enyu nîmakoona cioneki, nao andû enyu arîa akûrû, nîmakaarota iroto.

Ciîko 2:33

Jesû nîwanenevirue na rîu ekaraga mwena wa ûrîo wa Ngai Îthe wake. Nake Ngai Nîwamûvere Roho Mûtheru wata ûrîa aamwîrîrîte. Kwoguo Jesû nîatwîtîrîrîtie Roho ûcio. Ûndû ûyû mûrona na mûregua nî kîveo Kîam Roho ûrîa Jesû atwîtîrîrîtie.

Ciîko 2:38

Nake Petero nîwamerire atîrî, “Mûndû wa wonthe gatagatîrî kenyu nwanginya erire mevia make na avatithue na rîîtwa rîa Jesû Kristû, nîguo overwe mevia make. Namue nîmûkwamûkîra Roho Mûtheru arî kîveo kuuma kûrî Ngai.

Ciîko 2:4

Nao onthe nîmecûrirwe nî Roho Mûtheru, na makîambîrîria kwaria na nthiomi ciîngî wata ûrîa Roho ûcio aamavotithirie kwaria.

Ciîko 3:13

Ngai wa Iburahimu, Isaka na Jakovu na nîke Ngai wa methe metû ma tene, nîke ûvecanîte riiri wake kûrî Jesû ndungata yake. Nwatî mue nîmwanenganîre Jesû kûrî athani na mûkîmûrega mbere ya Pilato, wana ethîrwa Pilato nîwatuîte amûrekererie.

Ciîko 4:31

Rîrîa maarîkirie kûvoya ûguo, nthî nîyainainire varîa maagomanîte. Nao andû onthe nîmecûrirwe nî Roho Mûtheru na makîanîrîra ndûmîrîri ya Ngai marî na ûmîrîru.

Aroma 8:9

Nwatî mue mûtiathagwa nî mîîrî yenyu mwathagwa nî Roho, ethîrwa nama Roho wa Ngai atûûraga ndaarî yenyu. Mûndû wa wonthe wîthagîrwa atarî na Roho wa Kristû ûcio tî wake.

2Akor 3:8

Ethîrwa watho ûrîa ûretaga gîkuû warî na riiri ta ûcio na nîwathirire, na kinthî wîra wa Roho wa Ngai ndûrî na riiri makîria.

Aefeso 4:30

Na mûtikegwithie Roho Mûtheru wa Ngai kîeva. Roho nî rûûri rwa Ngai rwa kwonania atî mûrî ake. Ngai aamûveere Roho nîguo onanie na ma atî nîakaamûtethûra rîrîa mûthenya wa mûthiia ûgaakinya.