Johana 7:26 - ÎVUKU RÎA ÛVORO MWARO

²⁶ Taroriani araria andû onthe makîgucaga na gûtirî ûndû atongoria maramwîra! Nwa kûvoteke Ayahudi methîrwe nîmamenyete na ma atî Jesû nîke Mesaya?

Johana 7:26 ပူးပေါင်းရင်းမြစ်များ

Nthi 28:1

Mûndû mwaganu aûraga wana atarî mûvinyûrie nî mûndû, nwatî ûrîa mûthingu ethagîrwa aûmîrîrîtie ta mûnyambû.

Isaia 42:4

Ndagaakua ngoro kana athirwe nî vinya, nginya rîrîa agaatûma kîvooto kîîvande gûkû nthî, andû arîa matûûraga icîgîrîrarî na ndeere cia îria metagîrîra watho wake.”

Mathaayo 22:16

Nîmaatûmire arutwa ao na andû amwe a Kîamma Kîam Aerodia kûrîke na makîmwîra atîrî, “Mwarimû, tue nîtwîcî atî we waragia ûma na nîûthomithagia andû ûma wîgiî wendi wa Ngai ûtakûmakua nî ûrîa magwîciria. Na ndwendaga kûmenya mûndû nî wa ngathî îrîkû.

Luka 23:13

Pilato nîwetire mûcemanio wa anene a athînjîri-Ngai, atongoria wa vamwe na kîrîndî,

Luka 7:30

Nwatî Afarisai na arimû a Watho nîmaaregire gwîtîkia atî njîra cia Ngai nî nûngarû vîndî îrîa o maaregire kûvatithua nî Johana.

Johana 12:42

Nakuo kwarî na anene eengî a Ayahudi maamwîtîkirie, na nîûndû nîmeetigagîra Afarisai nîmaaremirwe nî kwaria cararûkû ûvoro ûmwîgiî nîguo matikengatwe kuuma îvoerorî.

Johana 18:20

Nake Jesû nîwamûcokerie atîrî, “Nie ndûûraga mbaragîria andû onthe cararûkû nîguo megue. Ndûûraga nthomithanagîria mavoerorî na hekarûrî kûrîa andû onthe macemanagia. Nie ndianaria ûndû wana ûmwe nthithorî.

Johana 3:1

Vîndî îmwe kwarî na mûndû wetagwa Nikodemu warî mûtongoria wa Ayahudi na aarî wa Kîama Kîam Afarisai.

Johana 4:29

“Ûkani mûkoone mûndû wambîra maûndû monthe marîa naneka. Nwa kûvoteke ethîrwe ke nîke Mesaya?”

Johana 7:25

Nao andû amwe a Jerusalemu nîmaaugire atîrî, “Na kinthî ûyû tîke mûndû ûrîa atongoria marenda kûûraga?

Johana 7:31

Nao andû eengî nîmaamwîtîkirie na makiuga atîrî, “Rîrîa Mesaya agaaûka, nîakaaringa ciama nyîngî gûkîra irîa cianaringwa nî mûndû ûyû?”

Johana 7:48

Mwanegua mûtongoria wana ûmwe wana kana Mûfarisai wîtîkîtie Jesû?

Johana 9:22

Aciari ake maaugire ûguo nîûndû nîmeetigagîra Ayahudi. Ayahudi nîmaarîkîtie gwîtîkanîria atî mûndû ûrîa ûgeetîkia atî Jesû nîke Mesaya nîakeengatwa kuuma îvoerorî.

Ciîko 4:13

Nao athuuri a Kîamma nîmaamakire moona ûrîa Petero na Johana maaûmîrîrîtie. Nîmaamenyire atî o maarî andû mataarî ngûrani na andû arîa engî na matiarî athomu. Kwoguo nîmaamenyire atî Petero na Johana nîmaatûûranîtie na Jesû.

Afil 1:14

Nîûndû wa kwîthîrwa nîrî njeera, nîgûtûmîte etîkia eengî mevoke Mwathani mûno. Kwoguo nîmavunjagia ndûmîrîri ya Mwathani matarî na guoya.