Johana 7:19 - ÎVUKU RÎA ÛVORO MWARO

¹⁹ Na kinthî Musa tîke wamûveere watho? Nwatî gûtirî mûndû wana ûmwe gatagatîrî kenyu wathîkagîra watho. Mûrenda kûmbûraga nîkî?”

Johana 7:19 ပူးပေါင်းရင်းမြစ်များ

Mathaayo 12:14

Nao Afarisai arîa maarî vo nîmaaumire nja ya îvoero na makîthiî ndundu nîguo mavange ûrîa makûûragithia Jesû.

Mathaayo 21:38

Nwatî rîrîa arîmi acio moonire mûvîcî nîmeeranire atîrî, ‘Ûyû nîke ûgaatigîrwa mûgûnda ûyû wî îgai rîake, ûkani tûmûrage nîguo îgai rîu rîake rîtuîke rîetû.’

Maariko 11:18

Rîrîa anene a athînjîri-Ngai na arimû a watho meeguire ûvoro ûcio, nîmaambîrîrie gûcaria ûrîa mangîmûûraga. Nao nîmaamwîtigagîra nîûndû kîrîndî nîkîamakagua mûno nî mûthomithanîrie wake.

Maariko 3:4

Nîwacokire akîûria andû acio atîrî, “Watho wetû ûtwîtîkîrîtie twîkage atîa mûthenya wa thavatû? Ûtwîtîkîrîtie gûtethia kana kûnûva? Gûtethûra mûndû kuuma gîkuûrî kana kûûraga?” Nao nîmakirire.

Maariko 3:6

Nao Afarisai moona ûguo nîmaaumire îvoerorî, na makîthiî ndundu na Aerodia nîguo mavange ûrîa makûragithia Jesû.

Johana 1:17

Ngai aavecanire watho na njîra ya Musa, nwatî wega na ûma ciaûkire na njîra ya Jesû Kristû.

Johana 10:39

Na wa rîngî Ayahudi nîmaageririe kûnyita Jesû nwatî ke nîwaûrire.

Johana 11:53

Kuuma mûthenya ûcio Ayahudi nîmaavangire ûrîa makûraga Jesû.

Johana 5:16

Kwoguo Ayahudi nîmaambîrîrie kûnyarira Jesû nîûndû nîwekaga maûndû ta mama mûthenya wa thavatû.

Johana 5:18

Rîrîa Jesû aaugire ûguo, Ayahudi nîmaagîre na kîîo kîîngî mûno gîa kwenda kûmûûraga. Meendaga gwîka ûguo tî nîûndû atî nîwaunîte watho wîgiî mûthenya wa thavatû, nwatî nîûndû nîwaugîte atî Ngai nî îthe kwoguo akeîganania na Ngai.

Johana 5:45

Mûtigecirie atî nie nînie ngaamûthitanga kûrî Vava. Musa ûrîa mwigîte kîîrîgîrîro kûrî ke, nîke ûkaamûthitanga.

Johana 7:1

Vuva wa ûguo, Jesû nîwathiîre Galili. Ke ndeendaga kûthiî Judea nîûndû Ayahudi arîa maarî kuo nîmeendaga kûmûraga.

Johana 7:25

Nao andû amwe a Jerusalemu nîmaaugire atîrî, “Na kinthî ûyû tîke mûndû ûrîa atongoria marenda kûûraga?

Ciîko 7:38

Musa ûcio nwake warî vamwe na andû a Isiraeli vîndî îrîa maagomanîte werûrî. Ke aarî kûu werûrî vamwe na methe metû ma tene na mûraika ûrîa wamwarîrie arî îgûrû Kîrîmarî gîa Sinai. Nake nîwamûkîre ndûmîrîri îrî mwoyo ya Ngai na agîtûkinyîria yo.

Agal 3:19

Watho warî wakî? Watho wongerererwe kûrî kîrîkanîro nîguo wonanie maûndû marîa macûku nginya rîrîa rûciaro rwa Iburahimu rûgaûka, rûrîa rwerîrîtwe kîîranîro kîu. Watho wanenganîrwe kûvîtûkîrîra kûrî Araika na kûrî mûndû ûrîa wegwithanagia andû na Ngai.

Agal 6:13

Nîûndû wana arîa maruaga matiathîkagîra watho, nwatî nîmendaga mûrue nîguo metîîage makiugaga atî nîmaatûmire wanamue mûrue.

Gûco 1:17

Mûtikathurûkanagie andû rîrîa mûkûmatuîra ciira. Thikagîrîriani ciira wa itonga na athîni ûndû ûmwe. Mûtigetigagîre mûndû, nîûndû îtua rîenyu nîrîo îtua rîa Ngai. Ciira ûrîa mûkaaremagwa nî gûtuithania, mûkaandetagîre ngaûtuithania.’

Gûco 33:4

Musa nîwatwathire twathîkîre watho ûrîa aatûveere, nîûndû nîguo kîndû Kîam goro mûno kîrîa andû a Isiraeli maagaire.