Johana 7:13 - ÎVUKU RÎA ÛVORO MWARO

¹³ Nwatî gûtirî mûndû wana ûmwe waririe ûvoro ûmwîgiî andû makîgucaga, nîûndû nîmeetigagîra atongoria a Ayahudi.

Johana 7:13 ပူးပေါင်းရင်းမြစ်များ

Nthi 29:25

Gwîtigîra andû nî gwîtonyia mûtegorî we mwene, nwatî mûndû ûrîa wîvokaga Ngai-Mûnene ethagîrwa arî mûgitîre.

Johana 19:38

Vuva wa ûguo, Josefu ûrîa warî wa kuuma îtûûra rîa Arimathea nîwaûririe Pilato amwîtîkîrie akuue mwîrî wa Jesû. (Josefu aarî mûrûmîrîri wa Jesû, nwatî aamûrûmagîrîra na nthitho, nîûndû nîwetigagîra Ayahudi.) Pilato nîwamwîtîkîrie, na kwoguo Josefu nîwathiîre na agîûkuua.

Johana 20:19

Jumaviri wa îo kîvwaî arutwa nîmaagomanîte vamwe nyomba ndaarî mevingîrîte nîûndû nîmeetigagîra anene a Ayahudi. Nake Jesû nîwamaumîrîre na akîmeera atîrî, “Gîani na thayû.”

Johana 3:2

Ûtukû ûmwe Nikodemu nîwathiîre kûrî Jesû na akîmwîra atîrî, “Rabii, tue nîtwîcî atî we wî mwarimû ûtûmîtwe nî Ngai. Gûtirî mûndû wana ûmwe ûngîvota kûringa ciama ta icio ûringaga Ngai atarî vamwe nake.”

Johana 7:1

Vuva wa ûguo, Jesû nîwathiîre Galili. Ke ndeendaga kûthiî Judea nîûndû Ayahudi arîa maarî kuo nîmeendaga kûmûraga.

Johana 7:11

Nao atongoria a Ayahudi nîmaamûcaririe mûno kûu kîrugorî na makîûria atîrî, “Ke arî kû?”

Johana 7:15

Nao atongoria a Ayahudi nîmaamakire mûno na makîûria atîrî, “Mûndû ûyû aramenya maûndû mama monthe atîa na ke ndaanathomithua?”

Johana 9:22

Aciari ake maaugire ûguo nîûndû nîmeetigagîra Ayahudi. Ayahudi nîmaarîkîtie gwîtîkanîria atî mûndû ûrîa ûgeetîkia atî Jesû nîke Mesaya nîakeengatwa kuuma îvoerorî.

Johana 9:34

Nao nîmaamûcokerie atîrî, “Ûngîvota atîa gûtûthomithia na we ûrî mwîvia kuuma rîrîa waciarirwe?” Nao nîmaamwîngatire kuuma kûu îvoerorî.

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.