Johana 6:68 - ÎVUKU RÎA ÛVORO MWARO

⁶⁸ Nake Simoni Petero nîwamûcokerie atîrî, “Mwathani tûngîgûtiga tûkathiî kûrî û? We ûrî na ciugo cia mwoyo wa tene na tene.

Johana 6:68 ပူးပေါင်းရင်းမြစ်များ

Thaburi 73:25

Nîûrîkû wîngî nîrî nake îgûrû tiga we? Gûkû nthî gûtirî kîndû mendete tiga we.

Mathaayo 16:16

Nake Petero nîwamûcokerie atîrî, “We nîwe Mesaya Mûriû wa Ngai ûrîa ûtûûraga mwoyo.” Nake Jesû nîwacokirie atîrî,

Maariko 8:29

Nake Jesû nîwacokire akîmaûria atîrî, “Namue-î, mugaga nie nî û?” Nake Petero nîwamûcokerie atîrî “We nîwe Mesaya.”

Luka 9:20

Jesû nîwacokire akîmaûria atîrî, “Mue namue-î mugaga nie nîrî û?” Nake Petero nîwamûcokerie atîrî, “We nîwe Mesaya wa Ngai.”

Johana 12:49

Nie ndinaria na wathani wakwa nie mwene, nwatî Vava ûrîa wandûmire nîke ûmvete ûrîa mbagîrîrwe nî kuga na kwaria.

Johana 12:50

Na nîmbîcî atî maathani make nîmatûmaga andû magîe na mwoyo wa tene na tene. Kwoguo ûndû wa wonthe mbugaga nî ûrîa Vava ethagîrwa ambîrîte mbuge.”

Johana 17:8

Nie nînaamakinyîrie ndûmîrîri îrîa wamvere, nao makîmîamûkîra. Nîmaicî na ma atî nie naumire kûrî we, na nîmetîkîtie atî we nîwe wandûmire.

Johana 5:24

“Nie nîramwîra na ma atî: mûndû wa wonthe wîgucaga ndûmîrîri yakwa na agetîkia Ngai ûrîa wandûmire, arî na mwoyo wa tene na tene. Mûndû ûcio ndagaacirithua nî Ngai, nîûndû ke nîmumu kûrî arîa akuû na agatonya kûrî arîa marî mwoyo.

Johana 6:40

Nîûndû wendi wa Vava nî atî mûndû wa wonthe ûrîa wonaga Mûriû na akamwîtîkia nîwagîrîrwe nî kûgîa na mwoyo wa tene na tene. Nanie nîngaamûriûkia mûthenya wa mûthiia.”

Johana 6:63

Roho wa Ngai nîke ûvecanaga mwoyo. Mwîrî ndûvecanaga mwoyo. Ciugo icio namwîra nîcio itûmaga mûgîe na Roho wa Ngai ûrîa ûvecanaga mwoyo.

Ciîko 13:26

“Ariû na aarî a îthe wetû, mue a mbarî ya Iburahimu, wa namue muonthe andû a ndûrîrî arîa mûgoocaga Ngai na mûrî ava: tue tuonthe nîtue tûtûmîrîtwe ndûmîrîri îno ya ûvonokio!

Ciîko 4:12

Jesû wenga tu nîke ûvotaga kûvonokia andû na gûkû nthî kuonthe gûtirî mûndû wîngî Ngai anavecana ûngîvota gûtûvonokia.”

Ciîko 5:20

“Thiîni mûrûngame hekarûrî na mwîre andû maûndû monthe megiî mûtûûrîre ûyû mûcerû.”

Ciîko 7:38

Musa ûcio nwake warî vamwe na andû a Isiraeli vîndî îrîa maagomanîte werûrî. Ke aarî kûu werûrî vamwe na methe metû ma tene na mûraika ûrîa wamwarîrie arî îgûrû Kîrîmarî gîa Sinai. Nake nîwamûkîre ndûmîrîri îrî mwoyo ya Ngai na agîtûkinyîria yo.

Ciîko 8:37

Nake Filipu nîwamwîrire atîrî, “Ethîrwa we nîwîtîkîtie na ngoro yaku yonthe, nwa ûvatithue.” Nake mûndû ûcio nîwerire Filipu atîrî, “Nie nîmbîtîkîtie atî Jesû Kristû nîke Mûriû wa Ngai.”]