Johana 6:62 - ÎVUKU RÎA ÛVORO MWARO

⁶² Î narîo mûkona Mûrû wa Mûndû akiunûkia acokete kûrîa aarî mbererî?

Johana 6:62 ပူးပေါင်းရင်းမြစ်များ

Mathaayo 8:20

Nake Jesû nîwamûcokerie atîrî, “Mbwe irî na marima, na iconi irî na ciomba, nwatî Mûrû wa Mûndû ndarî na vandû angîvuurûka.”

Maariko 16:19

Rîrîa Mwathani Jesû aarîkirie kûmarîria, nîwambatirue îgûrû na agîkara mwena wa ûrîo wa Ngai.

Luka 24:51

Na vîndî îrîa aamarathimaga, nîwamatigire na akîambatua îgûrû.

Johana 16:28

Nie naumire kûrî Vava na ngîûka gûkû nthî na rîu nînguuma gûkû nthî njoke kûrî Vava.”

Johana 17:11

Na rîu nîkwa mbûkîte kûrî we. Nie rîu ndirî gûkû nthî rîngî, nwatî o marî gûkû nthî. Vava Mûtheru, mamenyagîrîre na vinya wa rîîtwa rîaku rîrîa wamvere, nîguo matuîke kîndû kîmwe wata ûrîa we nanie tûrî kîndû kîmwe.

Johana 3:13

Gûtirî mûndû wanathiî îgûrû tiga Mûrû wa Mûndû ûrîa wanyûrûrûkire kuuma îgûrû.

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

Johana 6:42

Nao nîmaaugaga atîrî, “Na ma ûyû nî Jesû mûvîcî wa Josefu. Tue nîtwîcî îthe wana ng'ina. Rîu ke arauga aumîte îgûrû nîkî?”

Johana 6:53

Nake Jesû nîwamerire atîrî, “Nie nîramwîra ûma: mwarega kûrîa mwîrî wa Mûrû wa Mûndû na mûnyue nthakame yake, mûtikaagîa na mwoyo ndaarî yenyu.

Ciîko 1:9

Nake Jesû arîkia kuga ûguo, nîwavirirwe îgûrû wa mamûroretie na îtu rîkîmûkunîka magîtiga kûmwona.

1Pet 3:22

ûrîa waunûkirie îgûrû na rîu ekaraga mwena wa ûrîo wa Ngai. Kûu Jesû nîwathaga araika onthe, wa vamwe na maroho marîa mathanaga na marî vinya.