Johana 6:57 - ÎVUKU RÎA ÛVORO MWARO

⁵⁷ Nie natûmirwe nî Vava mûtûûra mwoyo na wa nanie ndûûraga mwoyo nîûndû wake. Na njîra wata îo mûndû wa wonthe ûrîcaga mwîrî wakwa nîatûûraga mwoyo nîûndû wakwa.

Johana 6:57 ပူးပေါင်းရင်းမြစ်များ

Thaburi 18:46

Ngai-Mûnene nîatûûraga mwoyo! Arokumua mûgitîri wakwa! Ngai mûvonokia wakwa arogoocwa.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Mathaayo 16:16

Nake Petero nîwamûcokerie atîrî, “We nîwe Mesaya Mûriû wa Ngai ûrîa ûtûûraga mwoyo.” Nake Jesû nîwacokirie atîrî,

Johana 14:19

Vuva wa kavinda kanini andû a nthî tî macoka kûmona rîngî, nwatî mue mûkaamona; na nîûndû nîndûûraga mwoyo, wa namue nîmûgaatûûra mwoyo.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 17:21

Nîravoya atî onthe matuîke kîndû kîmwe. Maroekara ndaarî yetû, wata ûrîa we ûrî ndaarî yakwa nanie nîrî ndaarî yaku. Marotuîka kîndû kîmwe nîguo andû a gûkû nthî metîkie atî we nîwe wandûmire.

Johana 3:17

Ngai ndaatûma Mûriû gûkû nthî nîguo atuîre andû, nwatî aamûtûmire gûkû nthî nîguo atuîke mûvonokia wa andû.

Johana 5:26

Na wata ûrîa Vava ke mwene arîke kiumo Kîam mwoyo, ûguo nwa ta guo atûmîte Mûriû atuîke kiumo Kîam mwoyo.

Johana 6:29

Nake Jesû nîwamacokerie atîrî, “Ûndû ûrîa Ngai endaga mwîke nî gwîtîkia mûndû ûrîa ke aatûmire.”

Johana 6:38

Nie naumire îgûrû ngîûka gûkû nthî nîguo mvingie wendi wa ûrîa wandûmire, nwatî tî wendi wakwa.

1Akor 15:22

Wata ûrîa andû onthe makucaga nîûndû wa gûtuîka atî o marî ûrûmwe na Adamu, nwa ta guo andû onthe makaariûkua nîûndû wa kwîthîrwa marî ûrûmwe na Kristû.

1Akor 15:45

Mandîkorî Matheru kwandîkîtwe atîrî, “Mûndû wa mbere kûmbwa na nîke Adamu, nîwatuîkire mûndû ûrî mwoyo.” Nwatî Adamu wa mûthiia nîwatuîkire Roho ûrîa ûvecanaga mwoyo.

2Akor 13:4

Nîûndû wana ethîrwa aambirwe mûtharavarî nîûndû wa ûvûthû wa ûmûndû, ke nîatûûraga mwoyo nîûndû wa ûvoti wa Ngai. Tûrî ûrûmwe na Kristû wa natue tûrî avûthû, nwatî tue wa vamwe namue tûgatûûra mwoyo na Kristû nîûndû wa ûvoti wa Ngai.

Agal 2:20

Kwoguo rîu tî nie ndûûraga mwoyo, nwatî nî Kristû ûtûûraga ndaarî yakwa. Ûtûûro ûrîa ndûûraga rîu, ndûûraga na njîra ya gwîtîkia Mûriû wa Ngai ûrîa wamendire na akîîvecana akue nîûndû wakwa.

1Ath 1:9

Andû acio onthe maragia ûvoro wîgiî ûrîa mwatûnyitire ûgeni rîrîa twamûceerere. Nîmaragia ûvoro wîgiî ûrîa mwagarûrûkîre Ngai na mûgîtiga kûvoya mîvuanano nîguo mûtungatîre Ngai ûrîa wa ma na ûtûûraga Mwoyo.

Ahib 9:14

na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.

1Joh 4:9

Ngai nîwonanirie ûrîa atwendete na njîra îno; ke nîwatûmire Mûrû wake wa mûmwe gûkû nthî nîguo tûgîe mwoyo nîûndû wake.