Johana 6:56 - ÎVUKU RÎA ÛVORO MWARO

⁵⁶ Mûndû wa wonthe ûrîcaga mwîrî wakwa na akanyua nthakame yakwa nîwîkaraga ndaarî yakwa, nanie ngekara ndaarî yake.

Johana 6:56 ပူးပေါင်းရင်းမြစ်များ

Thaburi 90:1

We Mwathani, kuuma njiarwa na njiarwa wîthîrîtwe ûrî kûndû gwetû gwa kwîthitha.

Thaburi 91:1

Mûndû ûrîa wîthithaga kûrî Ngai-Mûnene, ûrîa ûtûûraga rungu rwa kîruru Kîam Ngai mwene vinya wonthe,

Thaburi 91:9

We nîûtuîte Ngai-Mûnene kûndû gwaku gwa kwîthitha, nîûtuîte ûrîa ûrî Îgûrû Mûno mûgitîri waku.

Maca 3:24

Ngai-Mûnene nîke mwîvoko wakwa, kwoguo kîîrîgîrîro gîakwa kîrî kûrî ke.

Johana 14:20

Na rîrîa mûthenya ûcio ûgaaûka, nîmûkaamenya atî nie nîrî ndaarî ya Vava na atî mue mûrî ndaarî yakwa, wata ûrîa nie nîrî ndaarî yenyu.

Johana 14:23

Nake Jesû nîwamûcokerie atîrî, “Mûndû wa wonthe ûmendete nîwathîkagîra ciugo ciakwa. Vava nîamwendete, na nie tûrî na Vava nîtûkaga kûrî ke na tûgatûûrania nake.

Johana 6:55

Nîûndû mwîrî wakwa nî irio cia ma, na nthakame yakwa nî kîndû gîa kûnyua Kîam ma.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Aefeso 3:17

Na nîmvoyaga atî Kristû ekarage ngororî cienyu na njîra ya wîtîkio wenyu. Mvoyaga atî maûndû monthe marîa mûgekaga, mûmekage nîûndû mûrî na wendo,

1Joh 2:24

Tigani ûvoro ûrîa mwegwire kuuma Kîammbîrîria wîkare ngororî cienyu. Ethîrwa ûvoro ûcio ûgekaraga ndaarî yenyu vîndî cionthe, mue nîmûgûtûûra mûrî ûrûmwe na Mûriû na Îthe.

1Joh 3:24

Arîa onthe mathîkagîra maathani ma Ngai matûûraga marî ûûrûmwe na Ngai nake Ngai atûûraga arî ûûrûmwe nao. Tûmenyaga atî Ngai atûûraga arî ûrûmwe natue nîûndû wa Roho ûrîa atûvete.

1Joh 4:12

Gûtirî mûndû wanona Ngai, nwatî tûngîendana Ngai agatûûraga ndaarî yetû naguo wendo wake ûkethagîrwa ûrî mûkinyanîru ndaarî yetû.

Kûguû 3:20

Ta roriani! Nie nûngamîte mûrangorî ngîringaringa mûndû wa wonthe ûkwîgua mûgambo wakwa na amvingûrîre mûrango, nie nîngûtonya na ndîcanîre nake, nake arîcanîre nanie.