Johana 6:32 - ÎVUKU RÎA ÛVORO MWARO

³² Nake Jesû nîwamerire atîrî, “Nie nîramwîra na ma atî Musa ndaamûva irio kuuma îgûrû. Ngai Vava nîke ûmûvecaga mûgate ûrîa wa ma kuuma îgûrû.

Johana 6:32 ပူးပေါင်းရင်းမြစ်များ

Thaburi 78:23

Nwatî Ngai nîwathire matu ma îgûrû, na akîvingûra mîrango ya îgûrû.

Ntha 16:4

Ngai-Mûnene nîwacokire akîra Musa atîrî, “Nie nîngûmûnyûrûrûkîria mîgate kuuma îgûrû yure ta mbura. Na wa mûthenya mûndû akathiîcaga akaûngania irîa ikûmwîgana mûthenya ûcio. Ûguo nîguo ûgaatûma menya kana makaambathîkagîra.

Ntha 16:8

Musa nîwacokire akîmera atîrî “Ngai-Mûnene nîke ûkaamûva nyama cia kûrîa kîvwaî na amûve mîgate ya kwîgana kîraûko. Ke nîwîguîte mateta menyu, nîûndû rîrîa mûratûtetia nî Ngai-Mûnene mûratetia.”

Johana 1:9

Ûyû nîguo warî ûtheri wa ma; ûtheri ûrîa ûkaga gûkû nthî na ûkamûrîkîra andû onthe.

Johana 15:1

“Nie nînie Mûthavibu wa ma, nake Vava nîke mûrîmîri.

Johana 6:31

Methe metû ma tene nîmaarîre maana werûrî wa ta ûrîa mandîko matheru maugîte atî, ‘Ke nîwamavere mûgate kuuma îgûrû marîe.’ ”

Johana 6:33

Ke ûrîa umîte îgûrû nîke mûgate ûrîa Ngai avecanaga, na nîke ûvecaga andû mwoyo.”

Johana 6:35

Nake Jesû nîwamerire atîrî, “Nie nînie mûgate wa mwoyo. Mûndû wa wonthe ûkaga kûrî nie ndakaavûta na mûndû wa wonthe ûmbîtîkagia, ndakaanyonda.

Johana 6:41

Nao andû nîmaambîrîrie kûnuguna nîûndû Jesû nîwaugire atîrî, “Nie nînie mûgate ûrîa wanyûrûrûkire kuuma îgûrû.”

Johana 6:50

Nwatî mûgate ûrîa ûnyûrûrûkaga kuuma îgûrû nî wa mwanya mûno, nîûndû mûndû wa wonthe ûrîa ûûrîcaga ndagaakua.

Johana 6:55

Nîûndû mwîrî wakwa nî irio cia ma, na nthakame yakwa nî kîndû gîa kûnyua Kîam ma.

Johana 6:58

Ûyû nîguo mûgate ûrîa wanyûrûrûkire kuuma îgûrû. Ndwîkariî ta mûgate ûrîa warîrwe nî methe menyu ma tene na vuvarî magîkua. Nwatî mûndû wa wonthe ûrîa ûrîcaga mûgate ûyû nîagaatûûra tene na tene.”

Agal 4:4

Nwatî rîrîa kavinda karîa kagîrîru gaakinyire, Ngai nîwatûmire Mûriû wake. Aaûkire na njîra ya gûciarwa nî mûndûmûka na agîtûûra arî rungu rwa watho wa Ayahudi,

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.