Johana 6:24 - ÎVUKU RÎA ÛVORO MWARO

²⁴ Rîrîa andû eengî moonire atî Jesû na arutwa ake matiarî vo, nîmaatwîre matarûrî mau na makîthiî îtûûrarî rîa Kaperinaumu kûmûcaria.

Johana 6:24 ပူးပေါင်းရင်းမြစ်များ

Mathaayo 14:34

Rîrîa maaringire îria nîmaakinyire vûrûrirî wa Genesareti.

Maariko 1:37

na mamwona makîmwîra atîrî, “Andû onthe nîmaragûcaria.”

Maariko 6:53

Jesû na arutwa ake maringa îria, nîmaakinyire vûrûrirî wa Genesareti na makîoverera îtarû rîao rûtererî rwa îria.

Luka 8:40

Rîrîa Jesû aacokire mûrîmo ûcio wîngî wa îria andû onthe nîmaamûgwatire ûgeni makenete nîûndû nîmaamwetererete athiî kuo.

Johana 20:15

Nake Jesû nîwamûûririe atîrî, “Mûndûmûka ûyû, ûrarîra nîkî? Nû ûracaria?” Mariamu eeciragia mûndû ûcio nîke warî mwene mûgûnda na kwoguo nîwamwîrire atîrî, “Mûthuuri ûyû, ethîrwa we nîwe ûmwocire, mbîra kûrîa ûmwigîte na nîngûthiî kûmûgîra.”

Johana 6:17

na magîtwa îtarûrî nîguo maringe mûringo ûcio wîngî, meerekerete îtûûrarî rîa Kaperinaumu. Nakuo nîgwatukire na Jesû ndaarî mûthiîu kûrî o.

Johana 6:23

Namo matarû mengî marîa maaumîte îtûûrarî rîa Tiberia maakinyire rûtere rwa îria vakuvî na varîa andû maarîrîrîte mîgate, Mwathani aarîkia gûcokia ngatho.

Johana 6:26

Nake Jesû nîwamacokerie atîrî, “Nîramwîra na ma atî mue mûranjaria nîûndû nîmûrarîre mîgate mûkîvaa, nwatî tî nîûndû atî nîmûrataûkîrwe nî ûrîa ciama ciakwa irendaga kwonania.

Johana 6:59

Jesû aaugire maûndû mama rîrîa aathomithanagia îvoerorî rîrîa rîarî Kaperinaumu.

Johana 7:11

Nao atongoria a Ayahudi nîmaamûcaririe mûno kûu kîrugorî na makîûria atîrî, “Ke arî kû?”