Johana 6:11 - ÎVUKU RÎA ÛVORO MWARO

¹¹ Jesû nîwocire mîgate îo, agîcokeria Ngai ngatho na akîmînenganîra îgaîrwe andû arîa meekarîte nthî. Nîwacokire agîoca nthamaki icio, agîcokeria Ngai ngatho na akîinenganîra igaîrwe andû kûringana na kîthimi kîrîa wa mûndû endire.

Johana 6:11 ပူးပေါင်းရင်းမြစ်များ

Mathaayo 15:36

Nîwacokire agîoca mîgate îo mûgwanja na nthamaki, agîcokia ngatho kûrî Ngai, agîcienyûranga na akînengera arutwa. Nao makîgaîra andû.

Luka 24:30

Jesû nîwekarire metharî vamwe nao, agîoca mûgate na akîûrathima, agîcoka akîwenyûranga na akîmava.

Johana 21:10

Nake Jesû nîwamerire atîrî, “Indeni nthamaki imwe cia irîa mwanyitia.”

Johana 21:13

Kwoguo Jesû nîwaumîre vau mbere yao, agîoca mûgate na akîmanengera. Nîwacokire agîoca nthamaki na akîmanengera.

Johana 21:9

Rîrîa maaumîrire, nîmoonire mwaki wa makara na nthamaki cigîrîrîtwe îgûrû na makîona mîgate.

Johana 6:23

Namo matarû mengî marîa maaumîte îtûûrarî rîa Tiberia maakinyire rûtere rwa îria vakuvî na varîa andû maarîrîrîte mîgate, Mwathani aarîkia gûcokia ngatho.

Johana 6:9

“Ava varî na kamwana karî na mîgate îtano ya mûtu wa cairi na nthamaki igîrî, nwatî ino itingîgana andû aya onthe.”

Ciîko 27:35

Rîrîa Paûlo aarîkirie kuga ûguo, nîwocire mûgate, agîcokia ngatho kûrî Ngai nîûndû waguo arî vau mbere ya andû onthe, akîwenyûra na akîambîrîria kûrîa.

Aroma 14:6

Mûndû ûrîa ûtucaga mûthenya mûna wa mwanya, ekaga ûguo nîûndû wa gûtîîa Mwathani. Nake ûrîa ûrîcaga irio cia mîthemba yonthe ekaga guo nîûndû wa gûtîîa Mwathani, nîûndû ke nîacokagia ngatho kûrî Ngai nîûndû wa irio. Mûndû ûrîa ûregaga kûrîa irio cia mîthemba mîna ekaga ûguo nîguo Mwathani atîwe, nake nîacokagia ngatho kûrî Ngai.

1Akor 10:31

Kwoguo ûndû wa wonthe mwîkaga ethîrwa nî kûrîa kana nî kûnyua, îkagani nîguo mûgoocithie Ngai.

1Ath 5:18

na mûcokagie ngatho maûndûrî monthe. Ûguo nîguo Ngai endaga mûtûûre mue arîa mwîtîkîtie Jesû Kristû.

1Sam 9:13

Mwatonya îtûûrarî wa rîo, nîmûkûmwona mbere ya athiî kûndû kûrîa gûtûgîru kûrîa, nîûndû andû matingîrîa irio atarî mûkinyu, nîûndû nwa nginya arathime îgongona. Nao acio engî metîtwe macoke marîe. Unûkiani wa rîu na nî mûkûmwona.”