Johana 5:9 - ÎVUKU RÎA ÛVORO MWARO

⁹ Na vîndî wa îo mûndû ûcio nîwavonire, agîoca kîvarî gîake na akîîthiîra. Mûthenya ûcio gwekîkire ûguo warî wa thavatû.

Johana 5:9 ပူးပေါင်းရင်းမြစ်များ

Isaia 35:6

Cionje nîikaarûgarûga ta ngûrûngû, nao andû arîa matarî ûvoti wa kwaria nîmakaaina makenete. Manjî nîmakaatherûka werûrî, natuo tûrûnjî nîtûkaanyûrûrûka werûrî;

Jeremia 17:21

Meere Ngai-Mûnene arauga atî, mamenyerere mûtûûrîre wao na matigakuue mûrigo mûthenya wa thavatû, kana makuue kîndû magîtonyerie mîvîrîgarî ya îtûûra rîa Jerusalemu.

Maariko 1:31

Jesû amûkuvîvîria, nîwamûnyitire njara na akîmûrûngamia. Nake mûndû ûcio nîwegwire waro na akîambîrîria kûmatungatîra.

Maariko 1:42

Na wa rîo mûrimû ûcio wa ngothi nîwamûthirire na akîthera.

Maariko 10:52

Nake Jesû nîwamwîrire atîrî, “Îîthiîre! Gwîtîkia gwaku nîkuo gwatûma ûvone.” Na kavinda wa kau mûtumumu ûcio nîwavotire kwona na akîrûmîrîra Jesû.

Maariko 5:29

Mûndûmûka ûcio nîwavutirie nguo ya Jesû, nayo nthakame îgîtiga kuura wa rîmwe na akîvona.

Johana 5:14

Vuva wa ûguo, Jesû nîwethîrîrie mûndû ûcio hekarûrî na akîmwîra atîrî, “Nîwona, rîu we nîwavona. Tiga kwîvagia nîguo ndûkone ûndû wîngî mûcûku makîria ya ûyû.”

Johana 7:23

Ethîrwa mûruithagia kavîcî mûthenya wa thavatû nîguo mûtikaune watho wa Musa, mûrandakarîra nîkî navonia mûndû ûyû mwîrî wonthe mûthenya wa thavatû?

Johana 9:14

Naguo mûthenya ûrîa Jesû aathondekire ndaka na akîmûvonia warî wa thavatû.