Johana 5:6 - ÎVUKU RÎA ÛVORO MWARO

⁶ Rîrîa Jesû oonire mûndû ûcio amamîte vo, nîwamenyire atî mûndû ûcio aarî mûtûûru mîaka mîîngî arî mûrwaru. Kwoguo Jesû nîwaûririe mûndû ûcio atîrî, “We nîûrenda kûvona?”

Johana 5:6 ပူးပေါင်းရင်းမြစ်များ

Thaburi 142:3

Rîrîa nthirîtwe nî vinya ngoro, we nîwîthagîrwa ûkîmenya njîra yakwa. Nthû ciakwa nîimbigîrîte mûtego njîrarî îrîa nthiîcagîrîra.

Isaia 65:1

Ngai-Mûnene arauga atîrî, “Nethagîrwa nîîvarîrîtie gûcokia mavoya ma andû akwa, nwatî matiamvoya. Nethagîrwa nîîvarîrîtie kwonwa nî arîa mataanjaragia, nwatî wana matiageria kûnjaria. Nie nerire rûrîrî rûrîa rûtamvoyaga atî: ‘Nîrî ava! Nîrî ava.’

Jeremia 13:27

Nîmonete ûgîka maûndû marîa menete, ûtharia na gûcumîkîra aka ene na ûmaraa mwîngî, kûu tûrîmarî na mîgûndarî. Mue andû a Jerusalemu kaî mwî na thîna-î! Nîmwîkara mûtatheretue nginya rî?”

Luka 18:41

“Ûrenda ngwîkîre atîa?” Nake mûtumumu ûcio nîwamûcokerie atîrî, “Mwathani nie nîrenda gûcoka kwona.”

Johana 21:17

Jesû nîwacokire akîmûria riita rîa kathatû atîrî, “Simoni mûrû wa Johana, nîûmendete?” Nake Petero nîwatuurirwe nîûndû Jesû nîwamûririe riita rîa kathatû, “Nîûmendete?” Kwoguo nîwamwîrire atîrî, “Mwathani, we nîwîcî maûndû monthe; we nîwîcî atî nîngwendete!” Nake Jesû nîwamwîrire atîrî, “Rîthagia ng'ondu ciakwa.

Johana 5:5

Vau Kîthakurî vaarî na mûndû watûûrîte mîaka mîrongo îthatû na înana arwarîte.

Johana 5:7

Mûndû ûcio nîwacokerie Jesû atîrî, “Mûthuuri ûyû, ava vatirî na mûndû ûngînduvukia îriarî manjî marîkia kunjugwa. Na vîndî wa yonthe îrîa nageria gwîtuvukia kuo, mûndû wîngî nîatuvûkaga kuo mbere yakwa.”

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.

Ahib 4:15

Mûthînjîri-Ngai mûnene ûcio wetû ndangîrega gûtwîguîra ntha nîûndû tûtirî vinya. Rîrîa atûûraga gûkû nthî nîwageragua na njîra wa cionthe irîa tûgeragua nacio, nwatî ke ndevia.