Johana 5:43 - ÎVUKU RÎA ÛVORO MWARO

⁴³ Nie mbûkîte na rîîtwa rîa Vava na mûtinyamûkagîra. Nwatî mûndû wîngî angîûka akîaragia ûrîa eîrîte, nwa mûmwamûkîre.

Johana 5:43 ပူးပေါင်းရင်းမြစ်များ

Ezek 23:21

Oholiba nîwerirîrie maûndû make macûku marîa eekaga arî mwîthî vûrûrirî wa Misiri. Andû a Misiri mamondorire nyondo ciake irîa ciarî nûngarû na ndaacoka gûtuîka nthingi rîngî.

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Mathaayo 24:5

Nîûndû andû eengî nîmagaaûka makiugaga atîrî, ‘Nie nînie Mesaya,’ na nîmakaavîtithia andû eengî.

Johana 10:25

Nake Jesû nîwamacokerie atîrî, “Nie nîndîkîtie kûmwîra, nwatî mûtirambîtîkia. Maûndû marîa mbîkaga na rîîtwa rîa Vava nîmonanagia nie nîrî û;

Johana 12:28

Vava goocithia rîîtwa rîaku!” Naguo mûgambo nîwacokire ûkiuma îgûrû ûkiuga atîrî, “Nînîrîgoocithîtie na nwa ngûrîgoocithia wa rîngî.”

Johana 3:16

Nîûndû Ngai nîwendire andû a gûkû nthî mûno nîwavecanire Mûriû wake wa mûmwe nîguo mûndû wa wonthe ûmwîtîkîtie ndagaakue nwatî agîe na mwoyo wa tene na tene.

Johana 5:42

Nwatî nîmbîcî mûrî andû a mûthemba ûrîkû na nîmbîcî atî mue mûtiendete Ngai na ngoro cienyu.

Johana 6:38

Nie naumire îgûrû ngîûka gûkû nthî nîguo mvingie wendi wa ûrîa wandûmire, nwatî tî wendi wakwa.

Ciîko 21:38

Nie nînîciragia atî we wî Mûmisiri ûrîa îvindarî rînini rîvîtûku ûrambîrîrie thîna ya gûtûma andû maregane na thirikari. Na kinthî we tî we ûratongoririe aûragani arîa ngiri inya mwathiî nao werûrî?”