Johana 5:34 - ÎVUKU RÎA ÛVORO MWARO

³⁴ Nie ndivatarîte ûira kuuma kûrî mûndû wana ûrîkû, nwatî nauga ûguo nîguo mûvonokue.

Johana 5:34 ပူးပေါင်းရင်းမြစ်များ

Luka 13:34

“Jerusalemu, Jerusalemu! Atî wa rîrîa rîonthe Ngai agûtûmîra arathi nîkwa ûmaûragaga! Nî maita megana nanenda gûcokanîrîria andû aku vamwe wata ûrîa ngûkû îcokanagîrîria tûciiû rungu rwa mathagu mayo, nwatî ndûmbîtîkagîria!

Luka 19:10

Nîûndû Mûrû wa Mûndû aaûkire gûcaria na kûvonokia andû arîa maûrîte.”

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Johana 20:31

Nwatî ino ciandîkirwe nîguo mwîtîkie atî Jesû nîke Mesaya Mûriû wa Ngai, na atî mwamwîtîkia nîmûkaagîa na mwoyo nîûndû wa rîîtwa rîake.

Johana 5:32

Nwatî nîmbîcî atî kûrî mûndû ûvecanaga ûira ûmbîgiî, na nie nîmbîcî atî maûndû marîa augaga mambîgiî nî ma ma.

Johana 5:41

“Nie ndiracaria ngumo kuuma kûrî andû.

Johana 8:54

Nake Jesû nîwamacokerie atîrî, “Angîthîrwa nîkwa nîrekumia, gwîkumia kûu nî kwa mana. Ûrîa ûngumagia nî Vava wa ûcio mugaga atî nîke Ngai wenyu.

Aroma 10:1

Ariû na aarî a îthe wetû, wendi wa ngoro yakwa yonthe na mavoya makwa kûrî Ngai nî atî, andû etû mavonoke.

Aroma 10:21

Nwatî ûvoro wîgiî Isiraeli Ngai augîte atîrî, “Natindire mûthenya mûgima ndambûrûkîtie njara kûrî andû aremi na aûmû ngoro.”

Aroma 12:21

Ndûgetîkîre kûvootwa nî ûndû mûcûku, nwatî vootaga ûndû ûrîa mûcûku na njîra ya gwîka waro.

Aroma 3:3

Narîo ethîrwa amwe gatagatîrî kao matiarî evokeku, ûguo nwa ûtûme Ngai atuîke tî mwîvokeku?

1Akor 9:22

Vîndî îrîa nîrî gatagatîrî ka arîa matarî na vinya wîtîkiorî nduîkaga wa tao nîguo nîmagucîrîrie. Kwoguo nînduîkaga maûndû monthe kûrî andû onthe, nîguo mvonokie amwe gatagatîrî kao na njîra cionthe irîa nîngîvota.

1Tim 4:16

Îîmenyagîrîre we mwene na ûmenyagîrîre maûndû marîa ûthomithanagia. Thiî na mbere gwîka maûndû mama nîûndû weka ûguo, nîûkwîvonokia we mwene na ûvonokie andû arîa makûthikagîrîria.

1Joh 5:9

Nîtwîtîkagia ûira wa andû, nwatî ûira wa Ngai nîwîthagîrwa ûrî na vinya mwîngî. Ngai ke mwene nîarutîte ûira ûyû îgûrû rîgiî Mûriû.